Presidensie: Zuma wil nie NDZ as adjunk hê
Die nuwe president van die ANC en Suid-Afrika se adjunkpresident, Cyril Ramaphosa, gaan sy hande vol hê om pres. Jacob Zuma as staatshoof te herroep.
Dit is nie waar dat pres. Jacob Zuma daarop aandring dat dr. Nkosazana Dlamini-Zuma, sy eksvrou, in die toekoms adjunkpresident van Suid-Afrika word wanneer Cyril Ramaphosa, die nuwe ANC-president, die leisels by Zuma oorneem nie.
Die presidensie het Sondagmiddag in 'n verklaring gesê dié moontlikheid is glad nie tussen Zuma en Ramaphosa bespreek toe hulle Sondag in Durban vergader het nie.
Zuma het volgens die presidensie nog nooit so 'n eis gehad nie. Dlamini-Zuma, wat haar eksman se voorkeurkandidaat vir die ANC-presidentskap was, het verlede maand met die ANC se leierskapsverkiesing naelskraap teen Ramaphosa verloor.
Daar word bespiegel Ramaphosa sal vandeesweek met die eerste gewone vergadering van die ANC se nuwe nasionale uitvoerende komitee in Pretoria begin met stappe om Zuma as president te herroep om te keer dat daar twee magsbasisse is – een in Luthuli-huis (die ANC) en die ander in die Uniegebou.
Die presidensie sê Zuma en Ramaphosa het alleen in die president se Dr. John L. Dube-ampswoning vergader.
Dit was hul eerste vergadering sedert Ramaphosa die leisels van die ANC by Zuma oorgeneem het.
Die twee leiers het mekaar oor verskeie kwessies in die regering en die ANC ingelig.
“Die twee leiers het alleen vergader en berigte dat ander leiers teenwoordig was, is onwaar,” sê die presidensie.
Zuma het Ramaphosa op dié vergadering onder meer ingelig oor sy planne om die regterlike kommissie van ondersoek na staatskaping (onder voorsitterskap van adjunkhoofregter Raymond Zondo) aan te stel.
Die twee leiers het op dié vergadering ooreengekom om gereeld te vergader omdat dit van “kritieke belang is dat daar sinergie is tussen die regerende party en die regering noudat Zuma nie meer 'n lid van die ANC se topses is nie”, sê die presidensie.
Dié ontmoetings sal Zuma op sy beurt die geleentheid bied om Ramaphosa op hoogte te hou van wat in die regering gebeur.
Intussen het Ramaphosa begin met stappe om adv. Shaun Abrahams as nasionale direkteur van openbare vervolging (NDOV) te verwyder.
Die hooggeregshof in Pretoria het Ramaphosa as adjunkpresident verlede maand opdrag gegee om binne 60 dae 'n nuwe NDOV aan te stel.
Die hof het beslis Zuma se aanstelling van Abrahams in die plek van adv. Mxolisi Nxasana was ongeldig.
Zuma self kan volgens die hof nie die nuwe aanstelling maak nie, omdat hy self by korrupsie betrek word en daar dus 'n botsing van belange is.
Die Sunday Times berig Ramaphosa het reeds regsmening ingewin oor hoe daar van Abrahams ontslae geraak kan word. Zuma en Abrahams het albei appèl aangeteken teen die hof se beslissing.
Volgens dié koerant het Ramaphosa glo gehoor 'n groep aanklaers het Abrahams op hoogte gebring van hoe sake staan met sowat 'n dosyn hoëprofielsake oor staatskaping.
Abrahams was geskok en het glo geweier om na die sake te kyk omdat hy eers met “hoër outoriteite” moes konsulteer.– Netwerk24
Die presidensie het Sondagmiddag in 'n verklaring gesê dié moontlikheid is glad nie tussen Zuma en Ramaphosa bespreek toe hulle Sondag in Durban vergader het nie.
Zuma het volgens die presidensie nog nooit so 'n eis gehad nie. Dlamini-Zuma, wat haar eksman se voorkeurkandidaat vir die ANC-presidentskap was, het verlede maand met die ANC se leierskapsverkiesing naelskraap teen Ramaphosa verloor.
Daar word bespiegel Ramaphosa sal vandeesweek met die eerste gewone vergadering van die ANC se nuwe nasionale uitvoerende komitee in Pretoria begin met stappe om Zuma as president te herroep om te keer dat daar twee magsbasisse is – een in Luthuli-huis (die ANC) en die ander in die Uniegebou.
Die presidensie sê Zuma en Ramaphosa het alleen in die president se Dr. John L. Dube-ampswoning vergader.
Dit was hul eerste vergadering sedert Ramaphosa die leisels van die ANC by Zuma oorgeneem het.
Die twee leiers het mekaar oor verskeie kwessies in die regering en die ANC ingelig.
“Die twee leiers het alleen vergader en berigte dat ander leiers teenwoordig was, is onwaar,” sê die presidensie.
Zuma het Ramaphosa op dié vergadering onder meer ingelig oor sy planne om die regterlike kommissie van ondersoek na staatskaping (onder voorsitterskap van adjunkhoofregter Raymond Zondo) aan te stel.
Die twee leiers het op dié vergadering ooreengekom om gereeld te vergader omdat dit van “kritieke belang is dat daar sinergie is tussen die regerende party en die regering noudat Zuma nie meer 'n lid van die ANC se topses is nie”, sê die presidensie.
Dié ontmoetings sal Zuma op sy beurt die geleentheid bied om Ramaphosa op hoogte te hou van wat in die regering gebeur.
Intussen het Ramaphosa begin met stappe om adv. Shaun Abrahams as nasionale direkteur van openbare vervolging (NDOV) te verwyder.
Die hooggeregshof in Pretoria het Ramaphosa as adjunkpresident verlede maand opdrag gegee om binne 60 dae 'n nuwe NDOV aan te stel.
Die hof het beslis Zuma se aanstelling van Abrahams in die plek van adv. Mxolisi Nxasana was ongeldig.
Zuma self kan volgens die hof nie die nuwe aanstelling maak nie, omdat hy self by korrupsie betrek word en daar dus 'n botsing van belange is.
Die Sunday Times berig Ramaphosa het reeds regsmening ingewin oor hoe daar van Abrahams ontslae geraak kan word. Zuma en Abrahams het albei appèl aangeteken teen die hof se beslissing.
Volgens dié koerant het Ramaphosa glo gehoor 'n groep aanklaers het Abrahams op hoogte gebring van hoe sake staan met sowat 'n dosyn hoëprofielsake oor staatskaping.
Abrahams was geskok en het glo geweier om na die sake te kyk omdat hy eers met “hoër outoriteite” moes konsulteer.– Netwerk24
Kommentaar
Republikein
Geen kommentaar is op hierdie artikel gelaat nie