Preprimêr skik met ontvoerde meisie se ouers
'n Kleuterskool wat 'n minderjarige in 'n misdadiger se sorg toevertrou het, moet volgens 'n skikkingsooreenkoms opdok.
Jana-Mari Smith
'n Kleuterskool in Windhoek moet N$500 000 aan die ouers van 'n vyfjarige meise betaal, wat in Augustus verlede jaar ontvoer en verkrag is.
Hul dogter is middagtyd sonder haar gesin se toestemming by die Blinkogies Educare-sentrum in Khomasdal deur 'n misdadiger, wat al voorheen aan verkragting skuldig bevind is, opgelaai.
Volgens hofdokumente is die kind in sy sorg toevertrou ten spyte van 'n streng ooreenkoms tussen die ouers en die skool dat kinders slegs deur goedgekeurde voogde opgelaai kan word.
Die skikkingsooreenkoms wat tussen die Blinkogies Educare-sentrum en die ouers van die vyfjarige slagoffer bereik is, spruit uit 'n siviele hofsaak wat verlede jaar teen die kleuterskool aanhangig gemaak is.
Die ouers het N$1,4 miljoen as skadevergoeding vir die seksuele aanranding van hul dogter geëis.
“Ons dogter is verkrag as gevolg van die verweerder se nalatigheid,” het die ouers in siviele hofdokumente gesê.
“As gevolg van die fisieke en emosionele trauma wat sy ervaar het, het sy mediese sorg en sielkundige berading nodig waarvoor die gesin geldelik verantwoordelik is,” het hulle verder aangevoer.
Hulle voeg by die verkragting het “emosionele- en sielkundige lyding, pyn, skok en trauma” vir die meisie en haar gesin veroorsaak.
Die ouers, wie se name weerhou word om die identiteit van hul dogter te beskerm, het in Oktober verlede jaar die sentrum, die skoolhoof en 'n onderwyser gedagvaar.
Volgens die skikkingsooreenkoms, soos vroeër vandeesmaand deur die hoërhof in Windhoek beslis is, moet die kleuterskool N$500 000 aan die gesin betaal en elke party is vir sy eie regskostes verantwoordelikheid.
NALATIGHEID
In die hofdokumente beklemtoon die ouers dat drie voogde toestemming gehad het om die kind by die skool op te laai – hulleself en hul ouer dogter.
Nietemin het 'n onderwyser, wat in hofdokumente geïdentifiseer is, op 1 Augustus 2019 vir Jeremiah van Wyk, “'n totale vreemdeling”, toegelaat om hulle dogter op te laai.
Ná Van Wyk in hegtenis geneem is, het dit aan die lig gekom hy is al voorheen aan verkragting en moord skuldig bevind.
Volgens getuienis het Van Wyk die kind omstreeks 13:00 by haar skool gaan haal.
Sy is om 21:00 opgespoor nadat 'n verbyganger vir Van Wyk en die kind naby 'n kroeg gesien het.
Die vrou het foto's van die meisie gesien wat haar ouers aanlyn versprei het.
Gemeenskapslede het die kind by hom afgevat en haar gesin en die polisie in kennis gestel.
Van Wyk is in hegtenis geneem en het die volgende week skuldig gepleit op klagte van verkragting, ontvoering en 'n bykomende klag van ontvoering.
Tydens sy hofverskyning het Van Wyk skuld beken op die ontvoering en seksuele aanranding.
Hy het gesê hy was “dronk en bedwelm” toe die voorval plaasgevind het en geweet wat hy doen is “verkeerd”.
Die saak duur voort, terwyl ooggetuies se verklarings steeds geneem word.
Van Wyk se volgende hofverskyning voor landdros Namwenyo Shikapelo is op 24 April. Hy bly in aanhouding.
- [email protected]
'n Kleuterskool in Windhoek moet N$500 000 aan die ouers van 'n vyfjarige meise betaal, wat in Augustus verlede jaar ontvoer en verkrag is.
Hul dogter is middagtyd sonder haar gesin se toestemming by die Blinkogies Educare-sentrum in Khomasdal deur 'n misdadiger, wat al voorheen aan verkragting skuldig bevind is, opgelaai.
Volgens hofdokumente is die kind in sy sorg toevertrou ten spyte van 'n streng ooreenkoms tussen die ouers en die skool dat kinders slegs deur goedgekeurde voogde opgelaai kan word.
Die skikkingsooreenkoms wat tussen die Blinkogies Educare-sentrum en die ouers van die vyfjarige slagoffer bereik is, spruit uit 'n siviele hofsaak wat verlede jaar teen die kleuterskool aanhangig gemaak is.
Die ouers het N$1,4 miljoen as skadevergoeding vir die seksuele aanranding van hul dogter geëis.
“Ons dogter is verkrag as gevolg van die verweerder se nalatigheid,” het die ouers in siviele hofdokumente gesê.
“As gevolg van die fisieke en emosionele trauma wat sy ervaar het, het sy mediese sorg en sielkundige berading nodig waarvoor die gesin geldelik verantwoordelik is,” het hulle verder aangevoer.
Hulle voeg by die verkragting het “emosionele- en sielkundige lyding, pyn, skok en trauma” vir die meisie en haar gesin veroorsaak.
Die ouers, wie se name weerhou word om die identiteit van hul dogter te beskerm, het in Oktober verlede jaar die sentrum, die skoolhoof en 'n onderwyser gedagvaar.
Volgens die skikkingsooreenkoms, soos vroeër vandeesmaand deur die hoërhof in Windhoek beslis is, moet die kleuterskool N$500 000 aan die gesin betaal en elke party is vir sy eie regskostes verantwoordelikheid.
NALATIGHEID
In die hofdokumente beklemtoon die ouers dat drie voogde toestemming gehad het om die kind by die skool op te laai – hulleself en hul ouer dogter.
Nietemin het 'n onderwyser, wat in hofdokumente geïdentifiseer is, op 1 Augustus 2019 vir Jeremiah van Wyk, “'n totale vreemdeling”, toegelaat om hulle dogter op te laai.
Ná Van Wyk in hegtenis geneem is, het dit aan die lig gekom hy is al voorheen aan verkragting en moord skuldig bevind.
Volgens getuienis het Van Wyk die kind omstreeks 13:00 by haar skool gaan haal.
Sy is om 21:00 opgespoor nadat 'n verbyganger vir Van Wyk en die kind naby 'n kroeg gesien het.
Die vrou het foto's van die meisie gesien wat haar ouers aanlyn versprei het.
Gemeenskapslede het die kind by hom afgevat en haar gesin en die polisie in kennis gestel.
Van Wyk is in hegtenis geneem en het die volgende week skuldig gepleit op klagte van verkragting, ontvoering en 'n bykomende klag van ontvoering.
Tydens sy hofverskyning het Van Wyk skuld beken op die ontvoering en seksuele aanranding.
Hy het gesê hy was “dronk en bedwelm” toe die voorval plaasgevind het en geweet wat hy doen is “verkeerd”.
Die saak duur voort, terwyl ooggetuies se verklarings steeds geneem word.
Van Wyk se volgende hofverskyning voor landdros Namwenyo Shikapelo is op 24 April. Hy bly in aanhouding.
- [email protected]
Kommentaar
Republikein
Geen kommentaar is op hierdie artikel gelaat nie