Premier verkoop 13 m. minder brode weens staking
Net 30% van alle brood in Suid-Afrika word volgens die groep in die formele mark verkoop.
Nellie Brand-Jonker – Die kosgroep Premier se broodverkope het in die halfjaar tot einde September met 4% of 13 miljoen tot 265 miljoen gedaal omdat dit langer as verwag duur om van ’n staking in die Kaapse bakkerybedryf te herstel.
In die halfjaar tot einde September verlede jaar is 278 miljoen brode verkoop, volgens die beleggingsmaatskappy Brait se resultate vir die halfjaar. Die maatskappy besit 96% van Premier.
Dis een van die beleggings wat in die komende vyf jaar verkoop gaan word as deel van Brait se nuwe strategie.
“Brood bly ’n belangrike kategorie vir Premier omdat dit ’n relatief hoë marge en grootskaalse voedselkategorie in Suid-Afrika is. Die eienskappe word aangevul deur die gunstige kontantvloei-dinamiek van brood en dat daar ’n betreklik goed gebalanseerde vraag en aanbod in die mark is,” lui die verklaring.
Die inkomste uit brood was onveranderd in die halfjaar. “Dit sit die tendens voort van die afgelope drie jaar van beperkte inkomstegroei weens deflasie in die kategorie.”
Premier se markaandeel in die formele mark beloop 23%. Dit sluit in Blue Ribbon, BB Bread in KwaZulu-Natal, Star Bread en Mister Bread in die Oos-Kaap.
In die Wes-Kaap hou hy ’n markaandeel van 31% en in die Oos-Kaap 28%.
Net 30% van alle brood in Suid-Afrika word in die formele mark verkoop, volgens Premier. Die res word in die informele mark verkoop waar broodverkope nie betroubaar gemeet word nie.
Premier besit ook Snowflake-koekmeel. “Die mededinging bly intens in die kleinhandel en die nywerheidsmark omdat daar ’n ooraanbod is.”
Sy inkomste uit koringmeel het met 20% gestyg, terwyl 12% meer meel verkoop is, wat beteken die res spruit uit prysverhogings. Sy winsmarges op die produk het egter met 15% gedaal.
Sy markaandeel nasionaal in die kleinhandel is 24%. Sy markaandeel vir koekmengsels is 36%.
Premier besit ook die mieliemeel Iwisa, Impala, Nyala, Invicta en Super Sun. Sy inkomste uit mieliemeel het met 12% gestyg. Dit is danksy sy gemiddelde verkoopspryse wat met 14% gestyg het, want nie meer meel is verkoop nie. Sy markaandeel in die formele mark is 15%.
Premier se inkomste het in geheel met 7% gestyg.
Sy bedryfswins voor finansieringskoste en waardevermindering (ebitda) het met 4% gedaal.
“Die ekonomiese toestande in Suid-Afrika bly moeilik met hoë werkloosheid en lae groei wat verbruikers voortdurend onder druk plaas.
“Die handelsomgewing word gekenmerk deur voortgesette swaar promosies deur verskaffers om volumes wat verkoop word, te behou in die swak omgewing.
“Premier se winsmarges is benadeel as gevolg van sy koste wat gestyg het, maar wat nie ten volle aan verbruikers deurgegee kon word nie.”
Die maatskappy fokus steeds daarop om sy bedryfskoste te verminder. Sy personeel is met 5% verminder.
Premier is Brait se tweede grootste belegging wat die waarde van al sy beleggings betref. Die belang in Premier beloop R8,5 miljard of 28% van die waarde van sy beleggings.
Virgin Active kry lewe met Vitality
Die oefenklubgroep Virgin Active se inkomste in Suider-Afrika het in die nege maande tot einde September vergeleke met die ooreenstemmende tydperk amper 5% tot £176 miljoen (R3,3 miljard) gestyg.
Dit volg nadat sy lede met 4% tot 736 000 toegeneem het danksy ’n nuwe Vitality-program en sy bemarking wat verbeter is.
In die oorsigtyd is drie klubs in Suid-Afrika gesluit. Koste is ook verminder deur personeel te verminder en op huur te bespaar deur die heronderhandeling van kontrakte.
Virgin Active het die meeste klubs en lede in Suider-Afrika van al die plekke waar hy bedrywig is insluitende
Brittanje, Italië, Australië en Thailand. Sy inkomste het in geheel 3% tot £451 miljoen verhoog.
Sy totale lidmaatskap het 3% tot 1,1 miljoen gestyg. Brait besit 71,9% van Virgin Active.
Die belang verteenwoordig 54% van die waarde van sy beleggings van altesaam R29,8 miljard.
Brait se nettobatewaarde per aandeel het van einde Maart met 9% tot R38 gedaal.
Sedert 2011 se nettobatewaarde van R16,50 het sy nettobatewaarde per aandeel 10,3% per jaar gegroei.
Brait se grootste aandeelhouer Christo Wiese het in 2011 sy belang bekom en die maatskappy se sakemodel na ’n beleggingsbeheermaatskappy verander. – Netwerk24
In die halfjaar tot einde September verlede jaar is 278 miljoen brode verkoop, volgens die beleggingsmaatskappy Brait se resultate vir die halfjaar. Die maatskappy besit 96% van Premier.
Dis een van die beleggings wat in die komende vyf jaar verkoop gaan word as deel van Brait se nuwe strategie.
“Brood bly ’n belangrike kategorie vir Premier omdat dit ’n relatief hoë marge en grootskaalse voedselkategorie in Suid-Afrika is. Die eienskappe word aangevul deur die gunstige kontantvloei-dinamiek van brood en dat daar ’n betreklik goed gebalanseerde vraag en aanbod in die mark is,” lui die verklaring.
Die inkomste uit brood was onveranderd in die halfjaar. “Dit sit die tendens voort van die afgelope drie jaar van beperkte inkomstegroei weens deflasie in die kategorie.”
Premier se markaandeel in die formele mark beloop 23%. Dit sluit in Blue Ribbon, BB Bread in KwaZulu-Natal, Star Bread en Mister Bread in die Oos-Kaap.
In die Wes-Kaap hou hy ’n markaandeel van 31% en in die Oos-Kaap 28%.
Net 30% van alle brood in Suid-Afrika word in die formele mark verkoop, volgens Premier. Die res word in die informele mark verkoop waar broodverkope nie betroubaar gemeet word nie.
Premier besit ook Snowflake-koekmeel. “Die mededinging bly intens in die kleinhandel en die nywerheidsmark omdat daar ’n ooraanbod is.”
Sy inkomste uit koringmeel het met 20% gestyg, terwyl 12% meer meel verkoop is, wat beteken die res spruit uit prysverhogings. Sy winsmarges op die produk het egter met 15% gedaal.
Sy markaandeel nasionaal in die kleinhandel is 24%. Sy markaandeel vir koekmengsels is 36%.
Premier besit ook die mieliemeel Iwisa, Impala, Nyala, Invicta en Super Sun. Sy inkomste uit mieliemeel het met 12% gestyg. Dit is danksy sy gemiddelde verkoopspryse wat met 14% gestyg het, want nie meer meel is verkoop nie. Sy markaandeel in die formele mark is 15%.
Premier se inkomste het in geheel met 7% gestyg.
Sy bedryfswins voor finansieringskoste en waardevermindering (ebitda) het met 4% gedaal.
“Die ekonomiese toestande in Suid-Afrika bly moeilik met hoë werkloosheid en lae groei wat verbruikers voortdurend onder druk plaas.
“Die handelsomgewing word gekenmerk deur voortgesette swaar promosies deur verskaffers om volumes wat verkoop word, te behou in die swak omgewing.
“Premier se winsmarges is benadeel as gevolg van sy koste wat gestyg het, maar wat nie ten volle aan verbruikers deurgegee kon word nie.”
Die maatskappy fokus steeds daarop om sy bedryfskoste te verminder. Sy personeel is met 5% verminder.
Premier is Brait se tweede grootste belegging wat die waarde van al sy beleggings betref. Die belang in Premier beloop R8,5 miljard of 28% van die waarde van sy beleggings.
Virgin Active kry lewe met Vitality
Die oefenklubgroep Virgin Active se inkomste in Suider-Afrika het in die nege maande tot einde September vergeleke met die ooreenstemmende tydperk amper 5% tot £176 miljoen (R3,3 miljard) gestyg.
Dit volg nadat sy lede met 4% tot 736 000 toegeneem het danksy ’n nuwe Vitality-program en sy bemarking wat verbeter is.
In die oorsigtyd is drie klubs in Suid-Afrika gesluit. Koste is ook verminder deur personeel te verminder en op huur te bespaar deur die heronderhandeling van kontrakte.
Virgin Active het die meeste klubs en lede in Suider-Afrika van al die plekke waar hy bedrywig is insluitende
Brittanje, Italië, Australië en Thailand. Sy inkomste het in geheel 3% tot £451 miljoen verhoog.
Sy totale lidmaatskap het 3% tot 1,1 miljoen gestyg. Brait besit 71,9% van Virgin Active.
Die belang verteenwoordig 54% van die waarde van sy beleggings van altesaam R29,8 miljard.
Brait se nettobatewaarde per aandeel het van einde Maart met 9% tot R38 gedaal.
Sedert 2011 se nettobatewaarde van R16,50 het sy nettobatewaarde per aandeel 10,3% per jaar gegroei.
Brait se grootste aandeelhouer Christo Wiese het in 2011 sy belang bekom en die maatskappy se sakemodel na ’n beleggingsbeheermaatskappy verander. – Netwerk24
Kommentaar
Republikein
Geen kommentaar is op hierdie artikel gelaat nie