Predikantspaar in Botswana gekaap, beroof

03 April 2017 | Misdaad
Ronelle Rademeyer - 'n Bekende afgetrede predikants­paar van Gobabis sterk in Suid-Afrika aan nadat hul voertuig Vrydag naby Lobatse in Botswana deur vier mans gekaap is.

Hulle is deur die mans aangerand en beroof en later langs 'n afgeleë grondpad afgelaai, vasgebind en in die veld agtergelaat.

Ds. Roelf du Plessis (75) en sy vrou, Wilna (72), was via Botswana met vakansie op pad na hul kinders in Suid-Afrika toe hul Toyota Fortuner by Lobatse gekaap is.

Ds. Werner van den Heever, predikant van die Gereformeerde kerk op Gobabis, waar Du Plessis ook voorheen leraar was, het die voorval gister telefonies bevestig.

Volgens hom het die Du Plessis-egpaar vroeg Vrydagoggend van Kang af na Lobatse gery nadat hulle die vorige aand daar oorgeslaap het.

Van den Heever sê aangesien hulle tydens die kaping van onder meer hul selfone beroof is, was dit tot dusver moeilik om met hulle kontak te maak.



op grondpad afgelaai

“Wat ons weet is dat die vier mans met hulle nog in die voertuig, uit Lobatse gery het en hulle in die veld langs 'n stil grondpad gaan aflaai het.”

Van den Heever sê die rowers het hulle “hardhandig” hanteer en vasgebind.

“Hulle is genadiglik nie ernstig beseer nie.”

Du Plessis het blykbaar ná 'n lang gesukkel daarin geslaag om los te kom, waarna hy na die pad gestap het om hulp te ontbied.

'n Weldoener het hom en sy vrou na die polisiekantoor op Lobatse geneem waar hulle die voorval aangemeld het en hul kinders in Suid-Afrika gekontak het.

Aangesien hul paspoorte saam met al hul ander besittings in die geroofde voertuig was, moes hulle Vrydagaand op Jwaneng oorslaap.



Van den Heever sê die polisie in Botswana het intussen Vrydag 'n reusesoektog van stapel gestuur. Die Du Plessis-egpaar se voertuig is dieselfde aand nog naby die Ramatlabama-grenspos tussen Botswana en Suid-Afrika gevind.

Die vier rowers het te voet met die bejaarde egpaar se selfone, skootrekenaar en geld verder gevlug. Hul paspoorte en ander dokumente, asook hul klere, is in die voertuig agtergelaat.

Volgens Van den Heever het die polisie in die buurland gister nog na die voortvlugtende rowers gesoek.

Soortgelyk

 

Polisie konfiskeer kerk se luidsprekers in Oshakati

1 dag gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

1 dag gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

1 dag gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

1 dag gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

1 dag gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

1 dag gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

1 dag gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

1 dag gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...