Praatjie oor jag in bewaringsgebiede
Die Namibië Natuurstigting (NNF) bied volgende week Donderdag (5 Oktober) om 18:00 'n Park Talk-praatjie oor die herposisionering van jag in Namibië se kommunale bewaringsgebiede aan.
Dit sal by die Franko-Namibiese Kultuursentrum (FNCC) plaasvind.
“In 'n Namibiese konteks word die verband tussen jag, natuurbewaring en die ekonomie van biodiversiteit verstaan, maar daar is enorme internasionale druk op jag, veral trofeejag,” sê die NNF.
In reaksie hierop en op die potensiële impak wat dit op Namibië se Gemeenskapsgebaseerde Natuurlike Hulpbronne Bestuurprogram (CBNRM) het, het die NNF saam met die Sorris Sorris- kommunale bewaringsgebied en 'n wye reeks vennote gewerk om te kyk na maniere waarop jag in bewaringsgebiede bevorder kan word.
Die Finse ambassade in Namibië se Fonds vir Plaaslike Samewerking het die finansiering hiervoor verskaf.
“In die Finse mark is hierdie tipe plaaslike vleisjag deel van die nasionale jagkultuur,” sê die NNF.
Terselfdertyd het die projek, onder leiding van die ministerie van die omgewing en toerisme, tot 'n groter inisiatief bygedra om jag te herposisioneer sodat dit as 'n relevante instrument vir bewaring en ontwikkeling bevorder kan word.
Dit sal by die Franko-Namibiese Kultuursentrum (FNCC) plaasvind.
“In 'n Namibiese konteks word die verband tussen jag, natuurbewaring en die ekonomie van biodiversiteit verstaan, maar daar is enorme internasionale druk op jag, veral trofeejag,” sê die NNF.
In reaksie hierop en op die potensiële impak wat dit op Namibië se Gemeenskapsgebaseerde Natuurlike Hulpbronne Bestuurprogram (CBNRM) het, het die NNF saam met die Sorris Sorris- kommunale bewaringsgebied en 'n wye reeks vennote gewerk om te kyk na maniere waarop jag in bewaringsgebiede bevorder kan word.
Die Finse ambassade in Namibië se Fonds vir Plaaslike Samewerking het die finansiering hiervoor verskaf.
“In die Finse mark is hierdie tipe plaaslike vleisjag deel van die nasionale jagkultuur,” sê die NNF.
Terselfdertyd het die projek, onder leiding van die ministerie van die omgewing en toerisme, tot 'n groter inisiatief bygedra om jag te herposisioneer sodat dit as 'n relevante instrument vir bewaring en ontwikkeling bevorder kan word.
Kommentaar
Republikein
Geen kommentaar is op hierdie artikel gelaat nie