Praat met die berg
COLIN WILLIAMS SKRYF:
Ek was op besoek in die Wes-Kaap tydens hulle ernstige waterkrisis ’n bietjie meer as twee jaar gelede toe hierdie gedagte vir die eerste keer by my posgevat het.
Gegewe die hartverskeurende berigte en verslae wat van tyd tot tyd in ons koerante verskyn, sowel as die verslegtende toestande van mens en dier op die platteland, kan ek nie langer versuim om hierdie brief te skryf nie. Dit is ’n eerlike en opregte barendsnood waaraan ek nou ’n einde wil maak met die skryf van hierdie brief.
Ek kom agter dat daar baie groot hoop, optimisme en verwagting onder ons mense is ten opsigte van die volgende reënseisoen. Ek wil met hierdie brief elke mede-Christengelowige in liefde uitdaag om saam met my die volgende geloofsstap te neem: Dat ons op grond van beloftes soos in Markus 11:23, 24 en Mattheus 17:20 e.a. ons gebedsgesag sal gebruik om ons Hemelse Vader te vra dat alle damme in ons land sal vol reën.
Kom ons gebruik hierdie gebedsgesag en praat met die berg! Kom ons bestraf (letterlik) die bindende bose magte en faktore wat verantwoordelik is vir die droogtetoestande.
Kom ons gebiet en beopdrag (letterlik) die reënwolke in die Naam van die Here Jesus om te vorm oor al die opvangsgebiede van die damme, sodat hulle vol kan word. Kom ons vra dat hierdie knellende droogte dwarsoor die land finaal verbreek sal word.
Ek doen ’n baie ernstige en eerlike beroep op elke gelowige om daar in ons binnekamers, rondom ons huisaltare, by die jeug- en vrouebidure, en by ons gemeentebidure ons Hemelse Vader te vra oor, en te vertrou in hierdie groot saak.
Ek hoop dat u dan na hierdie gebedsessies ook die volgende geloofsstap sal neem, wat baie van ons seker ook al geleer het, naamlik: Ons vra net een maal in die geloof, en daarna sê ons net dankie vir die antwoorde op ons gebede.
Kyk weer ’n slag na Markus 11:24. Die Godsbelofte is dat ons sal kry wanneer ons vra in die geloof. Ons glo nie eers wanneer ons die antwoord sien nie.
Ek vertrou dat talle gemeentes reg oor die land dan die inisiatief sal neem om in die geloof dankbidure te reël, al sien ons nog nie die swart wolke saampak nie.
Met verdere bemoediging in gedagte, noem ek die volgende. In Exodus 14:15 vra God vir Moses ’n baie verwarrende vraag: “Vir wat staan jy so benoud en roep na My?” Moses en die volk van Israel was in doodsgevaar omdat die Egiptenare hulle agtervolg het. Hulle het almal benoud begin smeek vir hulp (vers 10).
Dit is die rede waarom hierdie vraag van die Here aanvanklik vir my so verwarrend was, totdat die lig vir my opgegaan het. Die Here het verwag van Moses om die gesag te gebruik wat hy alreeds gehad het (in die vorm van die herderstaf) om die probleem aan te spreek. Moses moes self met die berg praat! Dit is die rede waarom ons in verse 16, 21 en 22 lees hoe die probleem opgelos was.
Ek weet van ’n baie bekende kerkleier wat ’n visioen gesien het van hoe hy en die Here Jesus rondom ’n tafel heerlik in gesprek was. Skielik het daar ’n dik swart wolk van êrens gekom en tussen hulle kom staan. Die kerkleier was verbaas dat Jesus niks gedoen het om die swart wolk te verwyder. Toe hy daaroor vra, het Jesus vir hom gesê om self die wolk te bestraf, want hy het die gesag om dit te doen. Dit is wat die kerkleier toe gedoen het, en die probleem was opgelos.
In Genesis 1:26, 27 en 28 het die Skepper aan die mens die gesag gegee om te heers op en oor die aarde. Die mens het met die sondeval in die tuin van Eden hierdie gesag aan die duiwel afgestaan. Maar nadat die Here Jesus finaal die duiwel met Sy kruisdood en opstanding oorwin het, het Hy die gesag teruggegee aan Sy kinders en Sy Kerk (Mattheus 28:18-20).
’n Paar dae gelede het ek aan ’n groep mense gesê: Die duiwel het nie in die tuin van Eden krag bygekry nie, maar hy het slegs die outoriteit by Adam gekry om nou sy gesag op aarde te gebruik. Nadat Jesus hom oorwin het, het hy nie enige krag verloor nie, maar slegs die outoriteit verloor om sy gesag vryelik op aarde te gebruik.
My mede-Christengelowiges, dit is hierdie duur, teruggekoopte gebedsgesag wat ek vra ons moet gesamentlik begin gebruik, om verlossing vir die land en ons mense te bewerkstellig. Kom ons praat self en direk met die berg, kom ons praat self en direk met die reënwolke om te vorm, kom ons kanselleer self die invloed van die bose, terwyl ons platvoet staan en vertrou op beloftes soos die van 1 Johannes 5:14-15.
Ek was op besoek in die Wes-Kaap tydens hulle ernstige waterkrisis ’n bietjie meer as twee jaar gelede toe hierdie gedagte vir die eerste keer by my posgevat het.
Gegewe die hartverskeurende berigte en verslae wat van tyd tot tyd in ons koerante verskyn, sowel as die verslegtende toestande van mens en dier op die platteland, kan ek nie langer versuim om hierdie brief te skryf nie. Dit is ’n eerlike en opregte barendsnood waaraan ek nou ’n einde wil maak met die skryf van hierdie brief.
Ek kom agter dat daar baie groot hoop, optimisme en verwagting onder ons mense is ten opsigte van die volgende reënseisoen. Ek wil met hierdie brief elke mede-Christengelowige in liefde uitdaag om saam met my die volgende geloofsstap te neem: Dat ons op grond van beloftes soos in Markus 11:23, 24 en Mattheus 17:20 e.a. ons gebedsgesag sal gebruik om ons Hemelse Vader te vra dat alle damme in ons land sal vol reën.
Kom ons gebruik hierdie gebedsgesag en praat met die berg! Kom ons bestraf (letterlik) die bindende bose magte en faktore wat verantwoordelik is vir die droogtetoestande.
Kom ons gebiet en beopdrag (letterlik) die reënwolke in die Naam van die Here Jesus om te vorm oor al die opvangsgebiede van die damme, sodat hulle vol kan word. Kom ons vra dat hierdie knellende droogte dwarsoor die land finaal verbreek sal word.
Ek doen ’n baie ernstige en eerlike beroep op elke gelowige om daar in ons binnekamers, rondom ons huisaltare, by die jeug- en vrouebidure, en by ons gemeentebidure ons Hemelse Vader te vra oor, en te vertrou in hierdie groot saak.
Ek hoop dat u dan na hierdie gebedsessies ook die volgende geloofsstap sal neem, wat baie van ons seker ook al geleer het, naamlik: Ons vra net een maal in die geloof, en daarna sê ons net dankie vir die antwoorde op ons gebede.
Kyk weer ’n slag na Markus 11:24. Die Godsbelofte is dat ons sal kry wanneer ons vra in die geloof. Ons glo nie eers wanneer ons die antwoord sien nie.
Ek vertrou dat talle gemeentes reg oor die land dan die inisiatief sal neem om in die geloof dankbidure te reël, al sien ons nog nie die swart wolke saampak nie.
Met verdere bemoediging in gedagte, noem ek die volgende. In Exodus 14:15 vra God vir Moses ’n baie verwarrende vraag: “Vir wat staan jy so benoud en roep na My?” Moses en die volk van Israel was in doodsgevaar omdat die Egiptenare hulle agtervolg het. Hulle het almal benoud begin smeek vir hulp (vers 10).
Dit is die rede waarom hierdie vraag van die Here aanvanklik vir my so verwarrend was, totdat die lig vir my opgegaan het. Die Here het verwag van Moses om die gesag te gebruik wat hy alreeds gehad het (in die vorm van die herderstaf) om die probleem aan te spreek. Moses moes self met die berg praat! Dit is die rede waarom ons in verse 16, 21 en 22 lees hoe die probleem opgelos was.
Ek weet van ’n baie bekende kerkleier wat ’n visioen gesien het van hoe hy en die Here Jesus rondom ’n tafel heerlik in gesprek was. Skielik het daar ’n dik swart wolk van êrens gekom en tussen hulle kom staan. Die kerkleier was verbaas dat Jesus niks gedoen het om die swart wolk te verwyder. Toe hy daaroor vra, het Jesus vir hom gesê om self die wolk te bestraf, want hy het die gesag om dit te doen. Dit is wat die kerkleier toe gedoen het, en die probleem was opgelos.
In Genesis 1:26, 27 en 28 het die Skepper aan die mens die gesag gegee om te heers op en oor die aarde. Die mens het met die sondeval in die tuin van Eden hierdie gesag aan die duiwel afgestaan. Maar nadat die Here Jesus finaal die duiwel met Sy kruisdood en opstanding oorwin het, het Hy die gesag teruggegee aan Sy kinders en Sy Kerk (Mattheus 28:18-20).
’n Paar dae gelede het ek aan ’n groep mense gesê: Die duiwel het nie in die tuin van Eden krag bygekry nie, maar hy het slegs die outoriteit by Adam gekry om nou sy gesag op aarde te gebruik. Nadat Jesus hom oorwin het, het hy nie enige krag verloor nie, maar slegs die outoriteit verloor om sy gesag vryelik op aarde te gebruik.
My mede-Christengelowiges, dit is hierdie duur, teruggekoopte gebedsgesag wat ek vra ons moet gesamentlik begin gebruik, om verlossing vir die land en ons mense te bewerkstellig. Kom ons praat self en direk met die berg, kom ons praat self en direk met die reënwolke om te vorm, kom ons kanselleer self die invloed van die bose, terwyl ons platvoet staan en vertrou op beloftes soos die van 1 Johannes 5:14-15.
Kommentaar
Republikein
Geen kommentaar is op hierdie artikel gelaat nie