Potgieter vaar beste teen tiervisse

Die Okacuito River Camp sowat 120 kilometer oos van Rundu het onlangs sy eerste visvangkompetisie op uitnodiging aangebied, wat 'n groot treffer was.Die weersomstandighede was nie ideaal nie, maar die topvier hengelaars in die kompetisie het nietemin met vangste van tiervis vorendag gekom. Die hengelaars vanaf bote se groot mikpunt was om tiervis te vang as die maatstaf vir die kompetisie, hoewel pryse ook vir die grootste vangste van ander spesies soos baber toegeken is.Alle vangste is volgens lengte gemeet en terug in die rivier geplaas.Die topvier wat met die groot pryse weggestap het, was die algehele wenner Jopie Potgieter van Tsumeb, wat oor die drie visvangdae 'n gesamentlike lengte van meer as drie meter (319 cm) aangeteken het, Neels van Tonder (tweede), Chris Potgieter (derde) en Sean Grant.'n Unieke aspek van die kompetisie was dat pryse agterna aan alle hengelaars toegeken is, ongeag of hulle 'n vis gevang het of nie.So 'n kompetisie sou nie moontlik gewees het sonder die hulp en ondersteuning van gewaarde borge soos Brian Enslin, Coldair, A.R Fridge + Taxidermy Studio, PSA, Klingenberg Fuel Centre, Riaan Esterhuizen, Mark Wilson, Cymot, Blueline Trading, Rundu Private Hospital, Julius, Ex-Com, Ark Trading, Paridise Mini Market, Barex Equipment, Metro Rundu, Republikein, ESB Boats, Namib Mills, Otavi Cellular, Kavango Fishing Tours, CTRL-P Graphics, House of Wines, Power+, Neptune Risk Managers, Okacuito River Camp, AFC en Chris Potgieter nie.

Potgieter vaar beste teen tiervisse

Kommentaar

Republikein 2025-11-04

Meld asseblief aan om kommentaar te lewer

Potgieter vaar beste teen tiervisse

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.