Pote kies Morné bo Manie vir losmaker

Cobus Claassen - Al drie die Bulle se oorsese aanwinste, Morné Steyn, Josh Strauss en Juandré Kruger, in die beginspan en Cornal Hendricks op buitesenter.Dit is in 'n neutedop die nuus uit die Bulle-kamp in die opbou tot Sondag se superheld-losmaker teen die Leeus in die FNB-stadion in Johannesburg.Pote Human, afrigter van die Bulle, het verras met Hendricks, 'n voormalige Springbok-vleuel, op senter.Hy het vir Steyn bo Manie Libbok in die opdrafspan gekies, terwyl Ivan van Zyl die nr. 9-trui kry.Human sê hy is opgewonde oor die vooruitsig van Hendricks in die middelveld.“Ek hou van 'n groot senter wat vinnig en fisiek is en Cornal kan 'n goeie kombinasie saam met Burger (Odendaal) vorm.”Die oud-Haai Wian Vosloo kry die kans om die Leeus by die afbreekpunte aan te vat. Strauss en die talentvolle Muller Uys vorm saam met hom die lostrio.Die Bulle speel om 15:15 teen die Leeus. Die Haaie en die Stormers sit die bal aan die rol om 13:00.• Bulle: Warrick Gelant, Johnny Kotze, Cornal Hendricks, Burger Odendaal (k), Rosko Specman, Morné Steyn, Ivan van Zyl, Josh Strauss, Muller Uys, Wian Vosloo, Juandré Kruger, Andries Ferreira, Wiehahn Herbst, Jaco Visagie, Simphiwe Matanzima. Reserwes: Johan Grobbelaar, Gerhard Steenekamp, Mornay Smith, Ryno Pieterse, Ruan Nortjé/Jean Droste, Embrose Papier, Chris Smith, Divan Rossouw, Dylan Sage, Manie Libbok, Jeandré Rudolph, Abongile Nonkontwana, Tim Agaba.• Vanweë die vriendskaplike aard van die wedstryde mag meer as die gebruiklike agt plaasvervangers ingespan word. – Netwerk24

Pote kies Morné bo Manie vir losmaker

Kommentaar

Republikein 2025-05-02

Meld asseblief aan om kommentaar te lewer

Pote kies Morné bo Manie vir losmaker

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie