Poste nie in gedrang by Gondwana

Gondwana Collection kan al sy werknemers behou en hul basiese inkomste vir die afsienbare toekoms handhaaf. Só sê die uitvoerende hoof van Gondwana Collection Namibia, mnr. Gys Joubert, in ’n mediaverklaring.“Dit kan egter nie onbehaald volgehou word nie en hang af van die herstel van toerisme aan die einde van die jaar,” het hy gesê. “Danksy ons robuuste sakemodel, konserwatiewe finansiële bestuur en sterk balansstaat is ons tans in ’n stabiele finansiële posisie.”The Gondwana Collection het meer as 20 eiendomme landwyd en ’n span van meer as 1 000 werknemers.Joubert sê Gondwana speel ’n groot rol in bewaring en die lewensbestaan van gemeenskappe in landelike Namibië en streef daarna om hierdie bydraes te handhaaf. “Ons weet hierdie Covid-19-krisis sal nie spoedig verby wees nie en ons wêreld gaan nooit weer dieselfde wees nie. Ons verkies om positief en kreatief te bly, maar ons ontken nie die harde realiteit nie.”Joubert voeg by dat Gondwana nog altyd sy Namibiese en Suid-Afrikaanse besoekers in goeie tye ook waardeer het, en steeds sal. Die Gondwana-kaart bied veral uitstekende spesiale aanbiedinge vir sy sowat 80 000 lede.“Met die huidge inperkingsregulasies van fase 2 het gaste die opsie om by die Gondwana-kampeerterreine te bly, of in die goed toegeruste tent-akkommodasie van Camping2Go. “As regulasies hopelik teen 2 Junie verslap, sal lodges geleidelik hul deure heropen,” het Joubert gesê.Die nuutste lodge van Gondwana, Etosha King Nehale, sal op 10 Junie vir besoekers oopmaak.“Dit sal die gebied noord van Etosha en die streke van die Kunene, Kavango en Zambezi makliker toeganklik vir toeriste maak. Toeriste kan ook die ryk en kleurvolle kultuur van die Aawambo-mense ontdek en dit sal toerisme tot die noordelike-sentrale gebiede van die land bevorder.”

Poste nie in gedrang by Gondwana

Kommentaar

Republikein 2026-03-20

Meld asseblief aan om kommentaar te lewer

Poste nie in gedrang by Gondwana

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.