Pompeo glo in geheim na Kim Jong-oen
Mike Pompeo, direkteur van Amerika se sentrale intelligensiediens (CIA), het na bewering oor die Paasnaweek ’n geheime besoek aan Noord-Korea gebring en met die leier, Kim Jong-oen, vergader.
Dit is luidens berigte deur die Washington Post wat Dinsdag twee mense met “regstreekse kennis” van die besoek aangehaal het. Pompeo is ook benoem as ’n kandidaat om die sekretaris van buitelandse sake te word.
Dié besoek het glo plaasgevind om voorbereidings te tref vir direkte gesprekke tussen pres. Donald Trump en Kim Jong-oen.
Dit is nadat Trump vroeër erken het dat Amerika hoëvlak-gesprekke met Noord-Korea gevoer het, berig die BBC.
Trump het dit onthul terwyl hy Shinzo Abe, Japan se eerste minister, as ’n gas in die deelstaat Florida ontvang het, en bygevoeg dat vyf plekke oorweeg word vir ’n moontlike ontmoeting met die Noord-Koreaanse leier.
Hy het ook gesê dat onderhandelings tussen Noord- en Suid-Korea om die Koreaanse oorlog amptelik te beëindig, sy goedkeuring wegdra.
Amerika het tans nie amptelike diplomatieke verhoudings met Noord-Korea nie, maar diplomate besoek soms die land en daar is sogenaamde “agterkanale” om met die leierskap te kommunikeer.
Pompeo se besoek is egter die ontmoeting op die hoogste vlak met ’n Noord-Koreaanse leier sedert 2000 toe Madeleine Albright, voormalige sekretaris van buitelandse sake, die voormalige leier, Kim Jong-il, besoek het, berig die BBC.
Die besoek kan daarop dui dat die ontmoeting moontlik teen Junie of selfs vroeër kan plaasvind, soos Trump gesê het. – Netwerk24
Dit is luidens berigte deur die Washington Post wat Dinsdag twee mense met “regstreekse kennis” van die besoek aangehaal het. Pompeo is ook benoem as ’n kandidaat om die sekretaris van buitelandse sake te word.
Dié besoek het glo plaasgevind om voorbereidings te tref vir direkte gesprekke tussen pres. Donald Trump en Kim Jong-oen.
Dit is nadat Trump vroeër erken het dat Amerika hoëvlak-gesprekke met Noord-Korea gevoer het, berig die BBC.
Trump het dit onthul terwyl hy Shinzo Abe, Japan se eerste minister, as ’n gas in die deelstaat Florida ontvang het, en bygevoeg dat vyf plekke oorweeg word vir ’n moontlike ontmoeting met die Noord-Koreaanse leier.
Hy het ook gesê dat onderhandelings tussen Noord- en Suid-Korea om die Koreaanse oorlog amptelik te beëindig, sy goedkeuring wegdra.
Amerika het tans nie amptelike diplomatieke verhoudings met Noord-Korea nie, maar diplomate besoek soms die land en daar is sogenaamde “agterkanale” om met die leierskap te kommunikeer.
Pompeo se besoek is egter die ontmoeting op die hoogste vlak met ’n Noord-Koreaanse leier sedert 2000 toe Madeleine Albright, voormalige sekretaris van buitelandse sake, die voormalige leier, Kim Jong-il, besoek het, berig die BBC.
Die besoek kan daarop dui dat die ontmoeting moontlik teen Junie of selfs vroeër kan plaasvind, soos Trump gesê het. – Netwerk24
Kommentaar
Republikein
Geen kommentaar is op hierdie artikel gelaat nie