Politieke partye boikot kuberkraaktoets

Denver Kisting – Hulle gaan nie hul tyd mors om ’n masjien te toets wat nie getoets kán word nie.So sê mnr. Nico Smit, tesourier-generaal van die amptelike opposisie, die Popular Democratic Movement (PDM).Dit het aan die lig gekom opposisiepartye stel nie meer belang in ’n oefening waartydens elektroniese stemtoestelle (EVM’s) aan kuberkraakpogings onderwerp sou word nie.Die aanvanklike oefening sou op 18 Julie plaasvind.Luidens ’n verklaring van die Verkiesingskommissie van Namibië (ECN) is dit uitgestel omdat politieke partye toe gemeen het hulle is nie genoeg tyd gegun om voor te berei nie.Die volgende datum sou 13 Augustus gewees het.Maar, sê Smit, die ECN weier om sekere inligting te verstrek, omdat dit die intellektuele eiendom van die Indiese maatskappy is wat die toestelle ontwikkel het. “Jy kan nie daardie goed toets of hulle hackbaar is of nie. So, hoekom jou tyd mors?” het hy uitgevaar.Hy het dit vergelyk met ’n motorhandelaar wat weier om die motor waarin jy belangstel se sleutels te oorhandig sodat jy die motor kan toetsbestuur.Die opposisieleier het hom opnuut beroep op die terugkeer van stembriewe wat ’n papierspoor nalaat wat geoudit kan word.Die hoofverkiesingsbeampte van die ECN, mnr. Theo Mujoro, het die geskil gister bevestig.Hy sê opposisiepartye wil glo vreemde toestelle aan die EVM’s koppel om hulle te kuberkraak.Mujoro sê die ECN het botweg geweier. “Die kuberkrakery moet oor ’n afstand geskied.”Mujoro het vroeër gesê die geleentheid is meegebring nadat politieke partye hul voorbehoude oor die elektroniese stemtoestelle uitgespreek het.denver@republikein.com.na

Politieke partye boikot kuberkraaktoets

Kommentaar

Republikein 2025-06-18

Meld asseblief aan om kommentaar te lewer

Politieke partye boikot kuberkraaktoets

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie