Politici reageer ná dag een van beraad

Die visepresident van die United People’s Movement (UPM), mnr. Jan van Wyk, sê sy party is bly die regering gee toe dat hervestigingsprogramme nie voldoende vrugte afwerp nie.Maar, sê hy, die herverdeling van grond het nie misluk weens die gewillige koper, gewillige verkoper-beginsel nie.Volgens Van Wyk is dit gewoon onwaar dat kommersiële boere hul pryse só opgeblaas het dat die regering dit nie kon bekostig nie.Die regering het sélf die plan in die wiele gery weens beweerde swak beplanning, onderbegroting, nepotisme en korrupsie, voer hy aan.Hoewel pres. Hage Geingob sê hy is ’n voorstander van insluiting is die grondlose Namibiërs uit die staanspoor uitgesluit, sê Van Wyk.Dié LP het voorts gesê álle Namibiërs het vir onafhanklikheid baklei “en nie Swapo alleen nie”.Van Wyk sê die UPM onderskryf Geingob se steun aan beleggings in stedelike areas mits die doel daarvan is om tot voordeel van die grondloses te strek.Die opposisieleier sê dit sal meer as mooi toesprake verg om die grondkwessie te besleg.Hy het die afgelope week aan Republikein gesê: “In die eerste plek is die tweede nasionale grondberaad die gevolg van die onsuksesvolle motivering van grondwetsontwerp in die parlement in 2017. Die konferensie spruit ook uit die eise van grondlose Namibiërs en hul verteenwoordigers, omdat hulle nie voor die konsepwetsontwerp geraadpleeg is nie.“Druk van opposisiepartye, insluitende die UPM, burgerorganisasies en ander drukgroepe het daartoe gelei dat die wetsontwerp onttrek is. Ons het daarop aangedring dat daar geen wetsontwerp voor die tweede nasionale grondberaad mag wees nie.” Mnr. Nico Smit, tesourier-generaal van die Popular Democratic Movement (PDM), sê die grondkwessie kan Namibië se vrede en stabiliteit in die gedrang bring. “Hierdie ding kan net vir ons probleme bring,” het Smit eergistermiddag by navraag aan Republikein gesê. “Ons het bykans 30 jaar van vrede en voorspoed gehad; nou begin dinge verkeerd loop.” Volgens hom was grond dikwels die oorsaak van burgeroorloë, veral op die Afrika-vasteland. “Dit het oor grond gekom. Dit vat tyd vir die pot om te kook, maar as die pot eers begin kook, onderdruk jy hom moeilik ás jy hom onderdruk kry. Hy kook nou gewis.” Hy sê die PDM kon hom nie daarmee vereenselwig dat Swapo nie wou regstel wat die PDM as foute met die samestelling van die beraad beskou nie. “Ons was meer as reg vir die grondkonferensie. “Ons het voortdurend gekla oor goed wat nie regverdig was nie.” Onder meer, sê Smit, was die Swapo-afvaardiging “totaal oorlaai. Mens was net verstom. Hulle het belaglike mense genooi soos die Verkiesingskommissie van Namibië (ECN) en die Teenkorrupsiekommissie (ACC).” Die PDM wou veral hê afstammelinge van die Herero-Nama-volksmoord moet ook by die beraad verteenwoordig word. “Hul nasate is dié reg ontneem. En dié wat darem genooi is, is die reg ontsê om ’n toespraak te lewer. Is dit regverdig?” In plaas daarvan het die regering veterane van die bevrydingstryd ’n spreekbeurt gegee. “Mense wat gister met die bevrydingstryd begin het kry 30 minute.”

Politici reageer ná dag een van beraad

Kommentaar

Republikein 2025-12-04

Meld asseblief aan om kommentaar te lewer

Politici reageer ná dag een van beraad

Kommentaar

Republikein 2025-12-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.