Polisieman skuldig aan moord

Jacqueline Louw – Stadspolisieman Justin Simataa (31) is gister in Windhoek se hoërhof skuldig bevind aan die moord op die 25-jarige Fabrice Mael wat in die vroeë oggendure van 26 Oktober 2012 buite Club Image in Windhoek doodgeskiet is.Regter Nate Ndauendapo het in sy uitspraak genoem Simataa se getuienis was deurspek met teenstrydighede en dat hy die grense van selfverdediging oorskry toe hy op die oorledene en sy vriende geskiet het. Gedurende die verhoor het Simataa getuig dat hy vir sy lewe gevrees het toe hy ’n reeks koeëls op ’n Volkswagen Golf voertuig afgevuur het waarin Mael en sy vriende was. Ndauendapo het Simataa se getuienis verwerp en bevind dat sy optrede ’n daad van wraak was.Mael het op die toneel gesterf en nog ’n jong man, Millikan Likando, is ernstig beseer.Simataa, wat tereg gestaan het op klagte van moord, poging tot moord, of die onwettige afvuur van ’n vuurwapen en die nalatige besering en bedreiging van ’n persoon se lewe, kwaadwillige saakbeskadiging en die onwettige afvuur van ’n vuurwapen in ’n openbare area, is skuldig bevind op al vier klagte.Die skietvoorval het ná ’n onderonsie tussen Simataa, Likando en Mael, plaasgevind. In getuienis wat in Julie verlede jaar gelewer is, is die partye ná die bakleiery uitmekaar en Likando en Mael het in ’n Volkswagen Golf geklim toe die beskuldigde op hulle lostrek met sy CZ-kaliber dienspistool. Simataa, wat nie ten tye van die voorval aan diens was nie, het van die toneel gevlug, maar het later teruggekeer. Hy is na die Katutura-staatshospitaal geneem vir sy beserings waar hy in hegtenis geneem is.Die regter het gelas dat Simataa se borgtog teruggetrek word en dat betoë vir vonnisoplegging op 5 April sal plaasvind.Me. Constance Moyo tree namens die staat op en Simataa se verdediging is deur mnr. Mbanga Siyomunji waargeneem.

Polisieman skuldig aan moord

Kommentaar

Republikein 2025-12-16

Meld asseblief aan om kommentaar te lewer

Polisieman skuldig aan moord

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.