Polisieman-pa kan moord glo nie onthou

Jessica Botes ’n Aansoek vir die psigiatriese evaluering van ’n polisieman wat na bewering sy twee seuns vermoor het, is gister deur die beskuldigde se regsverteenwoordiger by die hoërhof ingedien. Mnr. Afrika Jantjies het ter ondersteuning van sy aansoek betoog sy kliënt, mnr. Albertus !Ganeb, kan nie die moord-voorval onthou nie. Volgens hom sê !Ganeb hy het voor die voorval baie alkohol en pynpille gedrink en dat hy dus niks kan onthou nie. “Ek kan nie behoorlike instruksie van my kliënt kry om ’n verdediging voor te berei nie. Hy sê bloot dat hy niks kan onthou nie, dus glo ek dit is nodig dat hy evalueer word sodat vasgestel kan word of hy aan ’n geestesgebrek of geestesiekte ly,” het Jantjies betoog. !Ganeb word daarvan beskuldig dat hy sy seuns, Tertius Swarts (7) en Gregory Swarts (4), op 25 April 2014 by hul huis op Gobabis met ’n mes aangeval het. Tertius is op die toneel oorlede nadat sy pa hom glo vier keer in die kop gesteek het met die mes. Gregory het na die voorval om sy lewe in die intensiewesorgeenheid in die Katutura-staatshospitaal geveg, maar is ’n paar dae later, op 1 Mei 2014, oorlede. !Ganeb het hom glo ses keer oor sy lyf en op sy kop gesteek met die mes. Die tragedie volg ná !Ganeb glo SMS’e van die twee seuns se ma, me. Romily Swarts, en ’n ander man gesien het en in sy woede en wraak glo sy twee seuns herhaaldelik met ’n mes gesteek het.Die staat beweer !Ganeb het ook in Oktober 2013 vir Romily in haar gesig met die vuis geslaan. Die beskuldigde het glo weer in 2014, voor die moord op die twee seuns, vir Romily aangerand deur haar met ’n knuppel teen haar voorkop te slaan. Regter Christie Liebenberg het Jantjies se aansoek van die hand gewys op grond daarvan dat daar geen bewyse van die beweerde geestesiekte by die hof ingedien is nie. “Ek wou eerder sê dat !Ganeb se verdediging op ’n nie-patologiese ontoerekenbaarheid berus. Die feit dat hy die voorval nie kan onthou nie, beteken nie dat hy aan ’n geestesiekte ly nie,” het Liebenberg gesê.Jantjies het gesê hy sal verdere konsultasies met sy kliënt voer en dat hy instruksies sal kry oor hoe die saak voortgesit moet word. !Ganeb was tydens die voorval ’n konstabel van die Namibiese polisie op Gobabis. Hy en Romily was in ’n liefdesverhouding en het ook saam gewoon. Die beskuldigde staan op twee klagte van moord en twee klagte van aanranding met die doel om ernstig te beseer tereg. Al die klagte word saamgelees met die wet op die bekamping van huishoudelike geweld, vanweë die omstandighede waaronder die oortredinge gepleeg is. Liebenberg het die verhoor tot 23 Junie uitgestel vir strafsaakbestuur.

Polisieman-pa kan moord glo nie onthou

Kommentaar

Republikein 2026-09-18

Meld asseblief aan om kommentaar te lewer

Polisieman-pa kan moord glo nie onthou

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.