Polisieblaps: 'Dooie' baba leef glo nog

15 May 2019 | Polisie
Tanja Bause



Weens “verwarring in 'n verslag” het die polisie 'n drie maande oue baba dood verklaar.

Só sê senior superintendent Nataniel Nendongo van die stadspolisie.

Die baba is op 26 April saam met haar boetie en sussies uit 'n sinkhuis in die Havana- informele nedersetting gered, maar sy is nie oorlede nie.

Dit is glo 'n geval van “verkeerde identiteit”.



'KOMMUNIKASIEFOUT'

Volgens Nendongo het die genoemde verwarring tot 'n “kommunikasiefout” gelei.

Dié fout kom uit 'n algemene verslag van gevalle van verwaarlosing wat oor die betrokke naweek opgestel is.

In dié betrokke verslag is glo gesê een baba het gesterf, maar die media is glo verkeerdelik ingelig dat dit die Havana-baba was.

Me. Anna de Koker (40), bekend as “Poppies”, het gister met wat sy sê die drie maande oue baba Liana is by Republikein se kantoor opgedaag.

“Dit is my baba. Ek weet nie wie gesê het sy is dood nie. Die hele Namibië dink ek is 'n slegte ma, wat nie na haar kinders kan kyk nie. Ek is baie arm en het nie kos in my huis nie, maar ek maak my kinders sonder hul pa's self groot,” het sy in trane gesê.

Op 20 April het die koerant berig De Koker se vier kinders is die vorige nag uit haar sinkhuis in die nedersetting deur lede van die Kosmos 94.1 COPPS-radioprogram, die stadspolisie en OSH-Med International gered.

Volgens mense op die toneel was die drie maande oue baba, 'n eenjarige meisie, 'n vierjarige meisie en 'n vyfjarige seun in die sinkhuis toegesluit en moes die deur oopgebreek word om by hulle uit te kom.

Die kinders was glo gedehidreer en ondervoed.



'BABA NOU BETER'

Volgens die stadspolisie het die drie maande oue baba dieselfde nag gesterf, wat nié die geval was nie.

Volgens dr. Aina Katangolo van OSH-Med International, wat die baba dieselfde aand in die sinkhuis behandel het, is die baba nou beter gehidreer en gevoed, en is sy inderdaad dieselfde baba wat uit die sinkhuis gehaal is.

“Die omstandighede was baie erg, en is vererger toe ons die boodskap kry dat die baba dood is,” het sy gesê.

Volgens De Koker het die eenjarige meisie 'n keelinfeksie gehad en is die kind in die hospitaal behandel.

“Ons was vir 'n week in die hospitaal voor ons huis toe is. Toe ek by die huis aangekom het, wou almal weet van die baba wat gesterf het, maar dit is nie my kind nie. Sy lewe nog,” het sy gesê.

“Ek het daardie aand by my suster mieliemeel vir die kinders gaan soek en hulle in die toesig van hul 21-jarige ouer suster en haar vriendin gelos. Die kleintjies het aan die slaap geraak en my dogter se vriendin het die deur gesluit om my te gaan soek.

“Ons het mekaar iewers misgeloop, en toe ek by die huis kom, was daar net polisie. Hulle het my geboei en saam met die kinders hospitaal toe geneem,” het De Koker gesê.

'n Klag van nalatigheid teen De Koker is deur die polisie teruggetrek.

Soortgelyk

 

Etosha Sondagmiddag deur aardbewing geskud

1 uur gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

1 uur gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

2 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

2 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

3 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

13 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

13 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

13 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

13 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...