Polisie wil diens verbeter

08 November 2018 | Polisie
Tanja Bause – ’n Strategiese plan vir 2017 tot 2022, asook die kliëntedienshandves vir die Namibiese polisie is deur die polisiehoof, lt.genl. Sebastian Ndeitunga, van stapel gestuur.

“In die afgelope vyf jaar was daar in Namibië ’n toename in misdade soos moord (9,5%), diefstal (36,2%), voertuigdiefstal (34,4%), veediefstal (34,4%), selfoondiefstal (29,5%) en diefstal uit voertuie (4,5%).

“Daar was ’n afname in aanranding met die doel om ernstige liggaamlike skade aan te rig (7,9%), poging tot moord (3,4%) en verkragting (2,2%),” het hy gesê.

Die strategiese plan sluit in sleutelbeginsels, strategiese doelwitte, programme en projekte wat nagestreef moet word sodat die polisie doeltreffend en effektief kan reageer en ’n betekenisvolle diens aan die publiek kan lewer.

“Die kliëntedienshandves beskryf kliënte se regte wanneer hulle met die polisie werk en veral wanneer hulle ontevrede met die polisie se diens is. Dit beskryf hoe klagtes ingedien kan word. Die handves sal by elke dienspunt, soos polisiekantore, ten toon gestel word en daar is ook pamflette wat mense huis toe kan neem,” het hy gesê.

Ndeitunga het ná die bekendstelling ’n parade toegespreek waar hy dit weer eens baie duidelik gemaak het daar is talle polisiebeamptes wat nie hul werk doen nie.

“Daar is baie wat net ’n salaris ontvang sonder om te werk. Julle is afwesig, siek of bly van die werk af weg. Ek werk liewers met ’n hand vol polisiebeamptes wat wíl werk as met 1 000 salaristrekkers.”

Ndeitunga het polisiebeamptes gemaan om vertroud te raak met die kliëntedienshandves en daarvolgens op te tree.

“Julle is staatsamptenare en daar om die publiek professioneel en vriendelik te dien.

“Julle moet te alle tye jul naamplaatjies dra sodat lede van die gemeenskap kan sien met wie hulle werk. As julle jul naamplaatjies verloor of weggooi, moet julle dit uit jul eie sakke vervang. Dit is deel van jul uniform en daarsonder is julle nie vir diens geskik nie,” het die polisiehoof gesê.

Hy het ook gesê mense wat stamgebonde en rassistiese opmerkings op sosiale media versprei, is ’n gevaar vir die land en sal vervolg word.

“Mense wat dit versprei, is ’n bedreiging vir die land se vrede en stabiliteit. Ons is een land en een nasie. Daar is ook geen plek vir stamgebondenheid in die polisie nie. As ek jou vang, sal ek vir jou ’n rooi kaart gee en dit beteken jy sal uit die polisie geskop word.”

Ndeitunga het gesê die polisie se begroting is gesny, wat kommerwekkend is.

“Die polisie gaan mank daaraan. Ons moet veiligheid en sekuriteit in die land verskaf met ’n baie klein begroting en dit is groot rede tot kommer. Die begroting is gesny en dit op sigself is ’n risiko vir die land se veiligheid en sekuriteit.”

Volgens die adjunkminister van veiligheid en sekuriteit, mnr. Daniel Kashikola, is die Khomas-, Otjozondjupa-, Erongo- en Oshanastreek die meeste deur misdaad geraak.

“Dus is alle streekbevelvoerders en hul bestuur beveel om te verseker misdaad neem in hul streke af. Dit is belangrik dat misdaadvoorkomingsoperasies gereeld uitgevoer word. Ook moet deeglike ondersoeke doen sodat misdadigers die volle krag van die gereg ervaar,” het hy gesê.

Volgens Ndeitunga is ’n totaal van 22 831 strafsake landswyd tussen Maart en Augustus 2018 aangemeld.

In die tydperk tussen Junie en Augustus 2018 is 26 419 sake aangemeld, wat ’n toename van 12% beteken.

“Tussen Maart en Mei is 8 953 strafsake in die Khomasstreek aangemeld, en tussen Junie en Augustus 9 861, wat ’n 10%-styging behels.”

Soortgelyk

 

Hepatitis E woed landswyd voort

15 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

15 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

15 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

15 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

15 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

15 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

15 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

15 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

15 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...