Polisie vra hulp met verdagte
Die Namibiese polisie by Katutura se misdaadondersoekeenheid versoek die publiek om te help soek na 'n verdagte, mnr. Erasmus Nailenge (26), met die alias Doglam.
Hy word gesoek in verband met 'n saak van diefstal onder valse voorwendsels.
Die verdagte het op 13 Desember 2016 'n advertensie in 'n koerant geplaas dat hy 'n Toyota Hilux-bakkie wil verkoop.
Die koper (nou die slagoffer) het, nadat hy 'n ooreenkoms met die verdagte aangegaan het, 'n bedrag van N$93 000 in 'n bankrekening inbetaal. Sedertdien het die koper nooit weer van die verkoper gehoor of die voertuig ontvang waarvoor hy betaal het nie.
'n Saak van diefstal onder valse voorwendsels is aanhangig gemaak en 'n lasbrief vir die verdagte se inhegtenisneming is uitgereik.
Enigiemand met inligting oor die verdagte word versoek om speursersant Heita by 081 215 2808 of die Katutura-polisiekantoor te kontak.
Hy word gesoek in verband met 'n saak van diefstal onder valse voorwendsels.
Die verdagte het op 13 Desember 2016 'n advertensie in 'n koerant geplaas dat hy 'n Toyota Hilux-bakkie wil verkoop.
Die koper (nou die slagoffer) het, nadat hy 'n ooreenkoms met die verdagte aangegaan het, 'n bedrag van N$93 000 in 'n bankrekening inbetaal. Sedertdien het die koper nooit weer van die verkoper gehoor of die voertuig ontvang waarvoor hy betaal het nie.
'n Saak van diefstal onder valse voorwendsels is aanhangig gemaak en 'n lasbrief vir die verdagte se inhegtenisneming is uitgereik.
Enigiemand met inligting oor die verdagte word versoek om speursersant Heita by 081 215 2808 of die Katutura-polisiekantoor te kontak.
Kommentaar
Republikein
Geen kommentaar is op hierdie artikel gelaat nie