Polisie verskerp stryd teen stropers

Augetto Graig Die Namibiese polisie vra die hulp van die publiek om hul stryd teen stropers te verskerp. Die adjunk-inspekteur-generaal van operasies van die polisie, genl.maj. James Tjivikua, het dié week gesê die pogings teen wildstropery word nou verdubbel deur die ontplooiing van meer mannekrag, veral in die nasionale parke Etosha en Bwabwata asook by Palmwag. “Daar sal nou 24 uur-patrollies wees en die polisie werk nou saam met natuurbewaarders van die ministerie van die omgewing en toerisme,” het Tjivikua gesê. “Plaaswerkers, privaatwagte, jagters en ander lede van die publiek om en binne die gebiede word dus bewus gemaak van die vergrote polisieteenwoordigheid, en word gevra vir samewerking met beamptes en MET-wagte wat daar werksaam is. Die beamptes is toepaslik in uniform geklee en kan maklik deur die publiek geïdentifiseer word,” sê hy.Volgens Tjivikua is die polisiebeamptes besig met wetstoepassing om veral stropery te verhoed en die publiek het niks om van hulle te vrees nie. “Bly kalm en gee die nodige samewerking wanneer julle daarvoor gevra word,” sê hy.Lede van die publiek is ook gevra om waaksaam te bly en enige voorvalle van stropery of enige vermoede daarvan onmiddellik aan te meld. “Die beamptes op die toneel maak staat op jul volle samewerking en hulp om die onwettige jag of stropery van voëls en diere, veral die land se bewaarde spesies in ons nasionale parke, te verhoed,” het hy gesê.

Polisie verskerp stryd teen stropers

Kommentaar

Republikein 2025-06-18

Meld asseblief aan om kommentaar te lewer

Polisie verskerp stryd teen stropers

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie