Polisie tydens Pase op hul pos

Tanja Bause – Die Namibiese polisie het ’n beroep op alle padgebruikers gedoen om oor die langnaweek seker te maak hul voertuie is padwaardig en dat by spoedbeperkings en padreëls gehou word. “Moenie by 'n sperstreep verbysteek nie," het die woordvoerder van die Namibiese polisie, hoofinspekteur Kauna Shikwambi gemaan. "Trek eerder af en rek bene as om moeg te bestuur, terwyl geduld, konsentrasie en verdraagsaamheid jou grootste prioriteite moet wees." In 2014 is landwyd 59 ongelukke met 116 beseerdes en ses sterftes oor die Paastydperk aangeteken. In 2015 was dit 81 ongelukke, 139 beseerdes en 25 sterftes, terwyl daar verlede jaar 65 ongelukke met 114 beseerdes en 11 sterftes aangemeld is. Die Namibiese polisie sal in al 14 streke by permanente padblokkades sowel as bykomende padblokkades op hul pos wees, terwyl verskeie polisiepatrollies hoofroetes sal patrolleer. Die fokus sal val op oorlaaide voertuie, padwaardigheid en motoriste wat onder die invloed van drank bestuur. Verkeersoortredings en ongelukke kan aangemeld word by padblokkades, die naaste polisiekantoor of deur 10111 te skakel. Die Namibiese Padongelukfonds (MVA) se noodnommer, 081 9682, is ook beskikbaar vir die aanmeld van padongelukke.

Polisie tydens Pase op hul pos

Kommentaar

Republikein 2025-11-05

Meld asseblief aan om kommentaar te lewer

Polisie tydens Pase op hul pos

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.