Polisie streng oor Covid-regulasies

Claudia Reiter – Die Namibiese polisie het Vrydag en Saterdagaand patrollies gehad om die publiek se nakoming van Covid-19-regulasies te monitor. Die adjunkminister van inligting en kommunikasietegnologie, me. Emma Theofilus, en die minister van justisie, me. Yvonne Dausab, het die polisie vergesel.Die motorkavalkade van minstens 20 polisievoertuie, onder leiding van die bevelvoerder van die polisie in die Khomasstreek, komm. Ismael Basson, het die hoofstad tot in die vroeë oggendure van Vrydag en Saterdagaand gepatrolleer.Beamptes het ook gekyk of alkohol verkoop word. "Die verkoop van alkohol is kommerwekkend. Elke tweede persoon wat ons teëgekom het, het gelyk of hulle onder die invloed van alkohol was, ondanks die beperking op alkoholverkope van Vrydag tot Sondag. Ons het ook opgemerk alkohol word onwettig verkoop en dit het winsgewend geword,” het Basson gesê.Ondanks die streng Covid-inperkings, was ’n groot aantal mense nog ná 21:00 in Windhoek se strate. Dié oortreders is egter voorlopig – met ’n waarskuwing van Basson – huis toe gestuur.Theofilus het gesê: "Ons ondervind steeds probleme met die nakoming van maatreëls. Baie mense dwaal in groot getalle doelloos in die strate rond sonder om hul maskers te dra en sosiale afstand te handhaaf, terwyl ander steeds private byeenkomste van meer as tien mense hou. Ek versoek burgers om asseblief die regulasies na te kom as ons wil voortgaan om hierdie pandemie hok te slaan. Ek dink ons kan almal saamstem dat ons nie meer sterftes en hospitalisasies van ons geliefdes kan verdra nie.” – republikein@republikein.com.na

Polisie streng oor Covid-regulasies

Kommentaar

Republikein 2026-02-02

Meld asseblief aan om kommentaar te lewer

Polisie streng oor Covid-regulasies

Kommentaar

Republikein 2026-02-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.