Polisie hou skietoefening by kollege

Die Namibiese polisie sal vandag en môre ‘n skietoefening by die Israel Partick Iyambo-polisiekollege in Olympia hou. Volgens die nasionale polisiewoordvoerder, adj.komm. Kauna Shikwambi, sal mense in die nabye omgewing van die kollege tussen 08:00 en 17:00 skote hoor. “Dis ’n oefening en hou geen gevaar vir enigiemand in nie. Daar is geen rede om paniekerig te raak nie. Ons doen ’n beroep op die gemeenskap om verdraagsaamheid en ons vra dat hulle na hul diere sal omsien wat sensitief vir harde geluide is,” het sy gesê.