Polisie as mees korrupte beskou

Elvira Hattingh - Namibiërs beskou die polisie as die land se mees korrupte beamptes en tot 78% is van mening dat nasionale korrupsievlakke uitsonderlik hoog is. Tog is Namibiërs baie optimisties dat die huidige regering nasionale probleme sal oplos. Die Teenkorrupsie Kommissie (ACC) het Vrydag op Internasionale Teenkorrupsiedag syfers van sy 2016 nasionale opname van Namibiërs se persepsie van korrupsie bekend gemaak, met prof. Grafton Whyte, direkteur van die Haroldt Pupkewitz Sakeskool, wat gesê het groot optimisme oor verandering heers wel. Die opname het onder meer aangedui net sowat 7% van alle korrupsie word aangemeld, alhoewel 16% respondente minstens twee gevalle van korrupsie oor die afgelope ses maande teëgekom het. “Die redes hiervoor is dat tot 77,6% mense bang was dit sal lei tot viktimisasie, terwyl 61,8% nie weet hoe of aan wie om sake aan te meld nie. Sowat 45,9% respondente glo dit is nie hul verantwoordelikheid om dit te doen nie, terwyl ander sê hulle is te ver van plekke geleë waar sake aangemeld moet word. Ander het gemeen dat ‘almal’ korrup is en dit geen doel dien om ’n saak aanhangig te maak nie,” het Whyte gesê.“Gevolglik is dit noodsaaklik dat die ACC die publiek aanmoedig om korrupsie aan te meld en inligting sal verskaf oor hoe die proses werk, dat hokaairoepers beskerm word en ondersoeke anoniem hanteer word.”Whyte het gesê dit is kommerwekkend dat die agentskappe wat ons vryhede moet beskerm, as die mees korrupte bedrywe beskou word. “Sowat 18% respondente het aangedui dat hulle die polisie, oftewel die ministerie van veiligheid en sekuriteit, as die mees korrupte regeringskantoor beskou (18% respondente), gevolg deur die ministerie van gesondheid en maatskaplike dienste (13% respondente) en die ministerie van finansies.“Tot 62% respondente het gesê meen hulle sal korrupsie by die polisie aanmeld, al dink hulle die polisie is self korrup, met net 33% wat sê hulle sal dit by die ACC aanmeld, ” het Whyte gesê.VERTROUE IN REGERINGVolgens die opname het 65% Namibiërs vertroue dat die regering nasionale kwessies sal oplos, met veral groot optimisme wat heers onder respondente wat ouer as 46 jaar is. Namibiërs is baie optimisties dat hul lewensgehalte besig is om te verbeter, met tot 8% wat meen dit het drasties oor die afgelope jaar verbeter. Tot 40% meen dit het effens verbeter, terwyl 24% meen hulle is slegter daaraan toe as ’n jaar gelede. Namibiërs handhaaf ook positiewe vooruitsigte, met tot 63% wat glo hul lewensgehalte sal in die toekoms verbeter.KORRUPSIE HOOGTerselfdertyd meen jongmense tussen die ouderdom van 21 en 35 jaar dat korrupsievlakke in die land uitsonderlik hoog is. Sterk konsensus hieroor heers onder alle ouderdomsgroepe. Tog het tot 45% van mense gesê Namibië is besig om die stryd teen korrupsie te wen en dat die regte inisiatiewe hiervoor ingestel, maar het die sukses nie aan die ACC toegeskryf nie.Slegs ’n derde van respondente in die opname dink korrupsie het afgeneem sedert die stigting van die ACC, terwyl ''n derde nie dink dit het enigsins afgeneem nie. Verder het tot 16% respondente gesê hulle of iemand wat hulle ken, het al omkoopgeld betaal. Die oorgrote meerderheid van hulle woon in die Khomasstreek en is tussen die ouderdom van 21 en 35 jaar oud.Respondente is van mening dat die land se mees dringende ontwikkelingsuitdagings werkloosheid en armoede is. Slegs sowat 6% dink korrupsie is ’n belangrike ontwikkelingskwessie vir Namibië. Terselfdertyd het die opname getoon dat hoe ouer mense raak, hoe meer bekommerd raak hulle oor armoede. Prof. Whyte sê die rede hiervoor is moontlik omdat jonger mense glo daar is nog geleentheid en tyd om hulself van armoede te bevry.

Polisie as mees korrupte beskou

Kommentaar

Republikein 2026-05-06

Meld asseblief aan om kommentaar te lewer

Polisie as mees korrupte beskou

Kommentaar

Republikein 2026-05-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.