Plaaswerkers in Vrystaat nou volwaardige boere
Deur Charles Smith - ’n Groep plaaswerkers in die Vrystaat het onlangs die titel boer ryker geword.
“Alles is afgehandel. Hulle is nou die nuwe eienaars van die plaas,” het Eddie Prinsloo, bekende merino-stoetteler van die Heuningkrans-stoetery naby Smithfield in dié Suid-Afrikaans provinsie oor dié groot nuus gesê.
Hulle word die eerste begunstigdes in die Vrystaat wat volle eiendomsreg van ’n plaas ingevolge die Uitbreiding van Sekerheid van Verblyfreg (Wet 62 van 1997, ook bekend as Esta) verkry.
Die werkers word die eienaars van die plaas Donkerhoek wat Prinsloo deur die staat se 50/50-skema aan hulle verkoop het.
Hulle het sowat twee weke gelede die titelakte en die sertifikaat in ontvangs geneem.
Prinsloo en sy seun, Eduard, gaan die boerdery op die plaas saam met die werkers bedryf. Hulle het ’n 51%-aandeel in die boerdery en die werkers 49%.
Prinsloo sê die titelakte en sertifikaat is ’n groot stap. Die boerdery kan nou ’n lening bekom om die vee aan te koop. Hulle gaan met hamels en beeste boer.
Die 100 ooie wat hy verlede jaar beskikbaar gestel het, het reeds gelam en die werkers sal in Augustus die eerste keer van hul ramme op sy Heuningkrans-produksieveiling te koop aanbied.
Die hele proses om die grond deur die staat aan die werkers te verkoop en die titelaktes te bekom, het meer as drie jaar geduur.
“Dit was ’n lang pad, maar dit is beslis die moeite werd. Hulle is nou die eienaars van hul eie grond. Die werklikheid dring nou deur by hulle. Die bal is nou in hul hande om die lening te bekom en voluit te boer.”
Die groot leerkurwe lê nou voor vir die grondeienaars om volwaardige, volhoubare boere te word.
“Die werkers se gesindheid het van die eerste dag af dramaties verander. Toe daar onlangs ’n brand naby die plaas was, was hulle eerste daar, sonder dat ek hoef te gaan soek het na hulle. Hulle weet dit is nou hulle eiendom. Hulle moet die ding reg doen.”
Prinsloo sê hy het dit aan die amptenare gestel dat volle eiendomsreg die enigste manier is om grondhervorming te doen. Dan kan die nuwe eienaars lenings bekom om vee aan te koop.
In die verlede het die nuwelingboer bloot die grond aan sy wit buurman teen goedkoop verhuur. Die enigste wat hierby gebaat het, was die wit boer. – Netwerk24
“Alles is afgehandel. Hulle is nou die nuwe eienaars van die plaas,” het Eddie Prinsloo, bekende merino-stoetteler van die Heuningkrans-stoetery naby Smithfield in dié Suid-Afrikaans provinsie oor dié groot nuus gesê.
Hulle word die eerste begunstigdes in die Vrystaat wat volle eiendomsreg van ’n plaas ingevolge die Uitbreiding van Sekerheid van Verblyfreg (Wet 62 van 1997, ook bekend as Esta) verkry.
Die werkers word die eienaars van die plaas Donkerhoek wat Prinsloo deur die staat se 50/50-skema aan hulle verkoop het.
Hulle het sowat twee weke gelede die titelakte en die sertifikaat in ontvangs geneem.
Prinsloo en sy seun, Eduard, gaan die boerdery op die plaas saam met die werkers bedryf. Hulle het ’n 51%-aandeel in die boerdery en die werkers 49%.
Prinsloo sê die titelakte en sertifikaat is ’n groot stap. Die boerdery kan nou ’n lening bekom om die vee aan te koop. Hulle gaan met hamels en beeste boer.
Die 100 ooie wat hy verlede jaar beskikbaar gestel het, het reeds gelam en die werkers sal in Augustus die eerste keer van hul ramme op sy Heuningkrans-produksieveiling te koop aanbied.
Die hele proses om die grond deur die staat aan die werkers te verkoop en die titelaktes te bekom, het meer as drie jaar geduur.
“Dit was ’n lang pad, maar dit is beslis die moeite werd. Hulle is nou die eienaars van hul eie grond. Die werklikheid dring nou deur by hulle. Die bal is nou in hul hande om die lening te bekom en voluit te boer.”
Die groot leerkurwe lê nou voor vir die grondeienaars om volwaardige, volhoubare boere te word.
“Die werkers se gesindheid het van die eerste dag af dramaties verander. Toe daar onlangs ’n brand naby die plaas was, was hulle eerste daar, sonder dat ek hoef te gaan soek het na hulle. Hulle weet dit is nou hulle eiendom. Hulle moet die ding reg doen.”
Prinsloo sê hy het dit aan die amptenare gestel dat volle eiendomsreg die enigste manier is om grondhervorming te doen. Dan kan die nuwe eienaars lenings bekom om vee aan te koop.
In die verlede het die nuwelingboer bloot die grond aan sy wit buurman teen goedkoop verhuur. Die enigste wat hierby gebaat het, was die wit boer. – Netwerk24
Kommentaar
Republikein
Geen kommentaar is op hierdie artikel gelaat nie