Plaaswerker skud die Dash
Des Erasmus
Hy soek nie eintlik 'n eie motor nie. Hy ken te veel mense wat hul eie karre aangeskaf het, net om te sien hoe dit breek of om daarmee in ongelukke betrokke raak waarin dit afgeskryf word. Dan het hulle weer niks.
Aan die woord is mnr. Johannes Uheka, in die spannommer 'n deelnemer aan die Nedbank Desert Dash, maar nog meer die wenner van 'n splinternuwe Toyota Ayvo, geborg deur Indongo Toyota van Walvisbaai.
Dié het hy in 'n gelukstrekking gewen waarvoor deelnemers aan die Dash-bergfietsmarathon op 8 en 9 Desember outomaties gekwalifiseer het.
Die vloerprys van die splinternuwe vuurwa is N$170 000, maar Uheka het nie eens 'n rybewys nie.
Hy het nog tot in Januarie tyd om oor sy prys te besin. In die stadium lyk dit of hy die geldwaarde van die Ayvo gaan verkies. Met 'n deel van die geld wil hy sy ouers se blyplek in die Mbandja-stamgebied van Owambo laat verbeter. Met wat oorbly, wil hy vir hom en sy spanmaats beter fietse koop.
Uheka is 'n gewone algemene werker op Elizabeth Hill, die plaas van mnr. Steve Galloway, net buite Okahandja. Dit is 'n wildsplaas met 'n verwante houtskoolbedryf. Dit is ook die basis van gereelde saamtrekke van PAY (Physically Acrive Youth) waaraan fietsryers deelneem. Galloway is self die eienaar van 10 fietse.
Republikein het Galloway op Oranjemund opgespoor waar hy 'n paar dae heen weggebreek het voordat hy na Okahandja terugkeer. Hy sê Uheka het sy voorneme met hom gedeel om soos in 2015 en 2016 weer die Dash oor 369 km oor die Khomas Hochland tot op Swakopmund te ry.
Sy reaksie was dat die 27-jarige Uheka se eie fiets hom die afgelope tyd heelwat probleme besorg het. Daarom is ooreengekom dat hy op een van Galloway se eie fietse aan die Dash sou deelneem.
Sy belangstelling was in die afdeling vir tweemanspanne en sy spanmaat was ene Israel. Hulle is tydens die moordende bergfietsmarathon deur hul eie ondersteunersgroepie bygestaan.
Uheka het maar op die plaas met 'n berg- en veldfietsryery kennis gemaak en was eers ná 'n PAY-saamtrek in 2012 op die plaas self in die saal.
'n Eerste hoogtepunt in sy fietsryery het in 2014 gekom toe hy in die vyfde plek in die nasionale fietsryerkampioenskappe geëindig het.
Op die plaas het die befaamde dieetkundige van Suid-Afrika, Tim Noakes, met Uheka en sy fietsryery kennis gemaak.
Feitlik onmiddellik ná hul kennismaking het Noakes gesê hier het hy op 'n man met 'n buitengewone talent afgekom.
“Sy moontlikhede kan met dié van die beroemde langafstandatlete van Kenia vergelyk word,” was van die Noakes-kommentaar.
Hy het ook onderneem om na Elizbeth Hill terug te keer om Uheka verder op sy pad van sukses te help. Toe Uheka in 2015 sy eerste Dash met Swakopmund as eindpunt voltooi het, was dit die eerste keer wat hy en van sy mederyers die see gesien het.
'n Effense terugslag was toe tekens van diabetes by hom opgespoor is. Dit is toegeskryf aan 'n te hoë suikerinname tydens lang fietsryskofte. Volgens Galloway is die toestand nou heeltemal onder beheer danksy 'n gesonder leefwyse.
Uheka was maar 20 toe hy van die grensgebied met Angola by van sy familielede op Elizabeth Hill kom kuier het.
'n Jaar later was hy in diens van die Galloways en het hy geleer om met sy werkgewers te kommunikeer nadat hy as 'n eentalige daar aangekom het en nie Afrikaans of Engels kon praat nie.
Soos die bergland wat hy op sy trapfiets oorwin het, het hy nou ook die taalkwessie baasgeraak.
Hy soek nie eintlik 'n eie motor nie. Hy ken te veel mense wat hul eie karre aangeskaf het, net om te sien hoe dit breek of om daarmee in ongelukke betrokke raak waarin dit afgeskryf word. Dan het hulle weer niks.
Aan die woord is mnr. Johannes Uheka, in die spannommer 'n deelnemer aan die Nedbank Desert Dash, maar nog meer die wenner van 'n splinternuwe Toyota Ayvo, geborg deur Indongo Toyota van Walvisbaai.
Dié het hy in 'n gelukstrekking gewen waarvoor deelnemers aan die Dash-bergfietsmarathon op 8 en 9 Desember outomaties gekwalifiseer het.
Die vloerprys van die splinternuwe vuurwa is N$170 000, maar Uheka het nie eens 'n rybewys nie.
Hy het nog tot in Januarie tyd om oor sy prys te besin. In die stadium lyk dit of hy die geldwaarde van die Ayvo gaan verkies. Met 'n deel van die geld wil hy sy ouers se blyplek in die Mbandja-stamgebied van Owambo laat verbeter. Met wat oorbly, wil hy vir hom en sy spanmaats beter fietse koop.
Uheka is 'n gewone algemene werker op Elizabeth Hill, die plaas van mnr. Steve Galloway, net buite Okahandja. Dit is 'n wildsplaas met 'n verwante houtskoolbedryf. Dit is ook die basis van gereelde saamtrekke van PAY (Physically Acrive Youth) waaraan fietsryers deelneem. Galloway is self die eienaar van 10 fietse.
Republikein het Galloway op Oranjemund opgespoor waar hy 'n paar dae heen weggebreek het voordat hy na Okahandja terugkeer. Hy sê Uheka het sy voorneme met hom gedeel om soos in 2015 en 2016 weer die Dash oor 369 km oor die Khomas Hochland tot op Swakopmund te ry.
Sy reaksie was dat die 27-jarige Uheka se eie fiets hom die afgelope tyd heelwat probleme besorg het. Daarom is ooreengekom dat hy op een van Galloway se eie fietse aan die Dash sou deelneem.
Sy belangstelling was in die afdeling vir tweemanspanne en sy spanmaat was ene Israel. Hulle is tydens die moordende bergfietsmarathon deur hul eie ondersteunersgroepie bygestaan.
Uheka het maar op die plaas met 'n berg- en veldfietsryery kennis gemaak en was eers ná 'n PAY-saamtrek in 2012 op die plaas self in die saal.
'n Eerste hoogtepunt in sy fietsryery het in 2014 gekom toe hy in die vyfde plek in die nasionale fietsryerkampioenskappe geëindig het.
Op die plaas het die befaamde dieetkundige van Suid-Afrika, Tim Noakes, met Uheka en sy fietsryery kennis gemaak.
Feitlik onmiddellik ná hul kennismaking het Noakes gesê hier het hy op 'n man met 'n buitengewone talent afgekom.
“Sy moontlikhede kan met dié van die beroemde langafstandatlete van Kenia vergelyk word,” was van die Noakes-kommentaar.
Hy het ook onderneem om na Elizbeth Hill terug te keer om Uheka verder op sy pad van sukses te help. Toe Uheka in 2015 sy eerste Dash met Swakopmund as eindpunt voltooi het, was dit die eerste keer wat hy en van sy mederyers die see gesien het.
'n Effense terugslag was toe tekens van diabetes by hom opgespoor is. Dit is toegeskryf aan 'n te hoë suikerinname tydens lang fietsryskofte. Volgens Galloway is die toestand nou heeltemal onder beheer danksy 'n gesonder leefwyse.
Uheka was maar 20 toe hy van die grensgebied met Angola by van sy familielede op Elizabeth Hill kom kuier het.
'n Jaar later was hy in diens van die Galloways en het hy geleer om met sy werkgewers te kommunikeer nadat hy as 'n eentalige daar aangekom het en nie Afrikaans of Engels kon praat nie.
Soos die bergland wat hy op sy trapfiets oorwin het, het hy nou ook die taalkwessie baasgeraak.
Kommentaar
Republikein
Geen kommentaar is op hierdie artikel gelaat nie