Plaasverkoop boemerang
'n Suid-Afrikaner wat probeer het om Namibiese wette te omseil, het lelik pak gekry in Namibië se hooggeregshof.
'n Suid-Afrikaner se appèlaansoek in Windhoek se hooggeregshof teen 'n getroude paartjie wat hul plaas in die Maltahöhe-distrik aan hom verkoop het, is verlede maand van die hand gewys.
Willem du Toit het in 2003 vir Willem en Aletta Dreyer, eienaars van die jagplaas Zaris in die Maltahöhe-distrik, genader om hul plaas te koop.
Du Toit het aan die Dreyers gesê hy het al voorheen daarin geslaag om 'n Namibiese plaas te koop – in weerwil van Namibiese wetgewing wat bepaal dat 'n buitelander grond slegs met die regering se toestemming mag koop.
Luidens hofstukke het Du Toit aan die Dreyers vertel dat hy voorheen 'n Namibiese pastoor, Bertus van Niekerk, as front gebruik het deur aan hom 'n 51%-aandeel in 'n plaas genaamd Montana te gee.
Du Toit het dié aandele kort ná die transaksie teruggeneem en die plaas is in 2008 teen 'n wins verkoop.
Die Dreyers het tot Du Toit se transaksie ingestem, maar het versoek dat hy die geld vir die plaas aan 'n ontwikkelaar betaal as afbetaling op 'n woonstel in Swakopmund.
Du Toit het reeds N$672 000 aan die woonstel-ontwikkelaar betaal toe die Namibiese regering die koop afgekeur het. Die Dreyers het daarna geweier om die geld wat Du Toit op die woonstel betaal het aan hom terug te gee. Du Toit het toe in 2005 die Dreyers in Windhoek se hoërhof vir dié bedrag gedagvaar.
Die hoërhof het uiteindelik in 2013 beslis dat die Dreyers, wat intussen die Swakopmund-woonstel teen 'n wins verkoop het, Du Toit se geld moet teruggee - ongeag die feit dat die oorspronklike transaksie onwettig was.
Regter-president Petrus Damaseb het in die 2013-uitspraak gesê dat, hoewel die regsbeginsel bestaan dat 'n hof nie 'n litigant wat geld in 'n verbode transaksie verloor het, sal help nie, die reël tog effens verslap mag word om geregtigheid tussen individue te laat geskied. Om daardie rede moes die Dreyers die N$672 000 wat Du Toit op hul woonstel betaal het, aan hom teruggee.
Damaseb het gesê al die partye moet hul eie regskoste betaal weens hul skandalige optrede.
Du Toit het appèl aangeteken teen die feit dat die hof nie 'n kostebevel in sy guns uitgereik het nie.
Waarnemende appèlregter Fred Chomba het in sy uitspraak, wat twee weke gelede gelewer is, gesê Damaseb was heeltemal reg om Du Toit nie te help met 'n kostebevel nie.
Damaseb het in sy oorspronklike uitspraak vir Du Toit gekritiseer en gesê hy het geen respek vir Namibiese wette nie.
“Hy het dit een keer suksesvol geminag en die vermetelheid gehad om dit 'n tweede keer te probeer. Die minste wat die howe van dié land kan doen is om sy gedrag af te keur deur nie 'n kostebevel (in sy guns) toe te staan nie.”
Du Toit is beveel om die koste van die appèlaansoek te betaal.
- Eie berig en Netwerk24
Willem du Toit het in 2003 vir Willem en Aletta Dreyer, eienaars van die jagplaas Zaris in die Maltahöhe-distrik, genader om hul plaas te koop.
Du Toit het aan die Dreyers gesê hy het al voorheen daarin geslaag om 'n Namibiese plaas te koop – in weerwil van Namibiese wetgewing wat bepaal dat 'n buitelander grond slegs met die regering se toestemming mag koop.
Luidens hofstukke het Du Toit aan die Dreyers vertel dat hy voorheen 'n Namibiese pastoor, Bertus van Niekerk, as front gebruik het deur aan hom 'n 51%-aandeel in 'n plaas genaamd Montana te gee.
Du Toit het dié aandele kort ná die transaksie teruggeneem en die plaas is in 2008 teen 'n wins verkoop.
Die Dreyers het tot Du Toit se transaksie ingestem, maar het versoek dat hy die geld vir die plaas aan 'n ontwikkelaar betaal as afbetaling op 'n woonstel in Swakopmund.
Du Toit het reeds N$672 000 aan die woonstel-ontwikkelaar betaal toe die Namibiese regering die koop afgekeur het. Die Dreyers het daarna geweier om die geld wat Du Toit op die woonstel betaal het aan hom terug te gee. Du Toit het toe in 2005 die Dreyers in Windhoek se hoërhof vir dié bedrag gedagvaar.
Die hoërhof het uiteindelik in 2013 beslis dat die Dreyers, wat intussen die Swakopmund-woonstel teen 'n wins verkoop het, Du Toit se geld moet teruggee - ongeag die feit dat die oorspronklike transaksie onwettig was.
Regter-president Petrus Damaseb het in die 2013-uitspraak gesê dat, hoewel die regsbeginsel bestaan dat 'n hof nie 'n litigant wat geld in 'n verbode transaksie verloor het, sal help nie, die reël tog effens verslap mag word om geregtigheid tussen individue te laat geskied. Om daardie rede moes die Dreyers die N$672 000 wat Du Toit op hul woonstel betaal het, aan hom teruggee.
Damaseb het gesê al die partye moet hul eie regskoste betaal weens hul skandalige optrede.
Du Toit het appèl aangeteken teen die feit dat die hof nie 'n kostebevel in sy guns uitgereik het nie.
Waarnemende appèlregter Fred Chomba het in sy uitspraak, wat twee weke gelede gelewer is, gesê Damaseb was heeltemal reg om Du Toit nie te help met 'n kostebevel nie.
Damaseb het in sy oorspronklike uitspraak vir Du Toit gekritiseer en gesê hy het geen respek vir Namibiese wette nie.
“Hy het dit een keer suksesvol geminag en die vermetelheid gehad om dit 'n tweede keer te probeer. Die minste wat die howe van dié land kan doen is om sy gedrag af te keur deur nie 'n kostebevel (in sy guns) toe te staan nie.”
Du Toit is beveel om die koste van die appèlaansoek te betaal.
- Eie berig en Netwerk24
Kommentaar
Republikein
Geen kommentaar is op hierdie artikel gelaat nie