Plaaslike Rooikruis vier 15 jaar
Lewens gered en verbeter deur toewyding en vrygewigheid.
Yochanaan Coetzee - Die Namibiese Rooikruisvereniging en hul vennote, die Spaanse Rooikruisvereniging, het gister dié liefdadigheidsorganisasie se vyftiende bestaansjaar in Namibië met ’n geleentheid by die Spaanse ambassade in Windhoek gevier.
In hierdie 15 jaar het die Namibiese Rooikruisvereniging met die ondersteuning van die Spanjaarde meer as 37 000 kwesbare mense en families se lewens bevorder deur skenkings van geld en kos, opleiding en hulp in tye van rampe soos vloede en droogtes.
Advokaat Bience Gawanas, die voorsitter van die Namibiese Rooikruisvereniging, het die bestuur en vrywilligers van albei organisasies geprys vir hul toewyding aan die lewensbelangrike dienste wat hulle aan kwesbare Namibiërs verskaf.
“Deur ons lede se onbaatsugtige werk en met die hartlike ondersteuning van die Spaanse Rooikruisvereniging het ons plaaslike Rooikruis gegroei tot waar dit tans meer as 4 000 lede het wat die vermoë, toerusting en bronne het om nie net tot die redding van kwesbare lede van ons gemeenskappe te kom nie, maar ook om ’n volhoubare verskil in die gehalte van Namibiërs se lewens te maak.
“Die organisasie het ’n onmeetbare verskil gemaak in die veerkragtigheid van ons kwesbaarste streke en ons sien uit na ’n verdere 15 jaar van samewerking,” het sy gesê.
Afgesien van tegniese bystand het die Spaanse regering, die Spaanse Rooikruisvereniging en die Europese Kommissie meer as N$52 miljoen aan gemeenskaplike projekte van die twee organisasies in Namibië geskenk.
Projekte soos groentetuine en kleinveeproduksie kon deur middel van hierdie skenkings in volhoubare insiatiewe ontwikkel. Van die begunstigdes het by die geleentheid hul ervarings gedeel.
“Wat as ’n klein groentetuinprojek begin het, is nou, danksy die ondersteuning en opleiding wat ons van die Namibiese en Spaanse Rooikruis ontvang het, ’n koöperatief,” het mnr. Zock Matengu van die Kanoko-projek in die Zambezistreek gesê.
“Hoewel daar baie uitdagings is en ons steeds meer ondersteuning nodig het om die koöperatief te bevorder, moet ek die Rooikruis hartlik bedank omdat daar van ons is wat hierdeur in staat gestel is om ons kinders skool toe te stuur.”
Mev. Nagana Mushavanga van die Kavango-Oosstreek het met haar deel van die wins van die tuinprojek wat sy en lede van haar gemeenskap bedryf ’n stewige sinkhuis vir haarself gebou. Sy sê sy sou vroeër nie kon droom om haar eie huisie te besit nie.
Mev. Hellen Likando, adjunkdirekteur van Ramprisikobestuur in die kantoor van die eerste minister, het ook die Rooikruis geprys vir die groot rol wat hulle speel in die ondersteuning van die regering in rampvoorvalle.
“Terwyl die regering en die kantoor van die eerste minister op nasionale en streeksvlak werk, kan ons nie sonder die ongelooflike ondersteuning van die Rooikruis op voetsoolvlak nie. Hul netwerk van vrywilligers is noodsaaklik om die mense op voetsoolvlak te mobiliseer en te help tydens ’n krisis. Ons bedank die Rooikruisverenigings van Namibië én Spanje hartlik vir hul toewyding om die regering te help om die Namibiese bevolking by te staan.”
In hierdie 15 jaar het die Namibiese Rooikruisvereniging met die ondersteuning van die Spanjaarde meer as 37 000 kwesbare mense en families se lewens bevorder deur skenkings van geld en kos, opleiding en hulp in tye van rampe soos vloede en droogtes.
Advokaat Bience Gawanas, die voorsitter van die Namibiese Rooikruisvereniging, het die bestuur en vrywilligers van albei organisasies geprys vir hul toewyding aan die lewensbelangrike dienste wat hulle aan kwesbare Namibiërs verskaf.
“Deur ons lede se onbaatsugtige werk en met die hartlike ondersteuning van die Spaanse Rooikruisvereniging het ons plaaslike Rooikruis gegroei tot waar dit tans meer as 4 000 lede het wat die vermoë, toerusting en bronne het om nie net tot die redding van kwesbare lede van ons gemeenskappe te kom nie, maar ook om ’n volhoubare verskil in die gehalte van Namibiërs se lewens te maak.
“Die organisasie het ’n onmeetbare verskil gemaak in die veerkragtigheid van ons kwesbaarste streke en ons sien uit na ’n verdere 15 jaar van samewerking,” het sy gesê.
Afgesien van tegniese bystand het die Spaanse regering, die Spaanse Rooikruisvereniging en die Europese Kommissie meer as N$52 miljoen aan gemeenskaplike projekte van die twee organisasies in Namibië geskenk.
Projekte soos groentetuine en kleinveeproduksie kon deur middel van hierdie skenkings in volhoubare insiatiewe ontwikkel. Van die begunstigdes het by die geleentheid hul ervarings gedeel.
“Wat as ’n klein groentetuinprojek begin het, is nou, danksy die ondersteuning en opleiding wat ons van die Namibiese en Spaanse Rooikruis ontvang het, ’n koöperatief,” het mnr. Zock Matengu van die Kanoko-projek in die Zambezistreek gesê.
“Hoewel daar baie uitdagings is en ons steeds meer ondersteuning nodig het om die koöperatief te bevorder, moet ek die Rooikruis hartlik bedank omdat daar van ons is wat hierdeur in staat gestel is om ons kinders skool toe te stuur.”
Mev. Nagana Mushavanga van die Kavango-Oosstreek het met haar deel van die wins van die tuinprojek wat sy en lede van haar gemeenskap bedryf ’n stewige sinkhuis vir haarself gebou. Sy sê sy sou vroeër nie kon droom om haar eie huisie te besit nie.
Mev. Hellen Likando, adjunkdirekteur van Ramprisikobestuur in die kantoor van die eerste minister, het ook die Rooikruis geprys vir die groot rol wat hulle speel in die ondersteuning van die regering in rampvoorvalle.
“Terwyl die regering en die kantoor van die eerste minister op nasionale en streeksvlak werk, kan ons nie sonder die ongelooflike ondersteuning van die Rooikruis op voetsoolvlak nie. Hul netwerk van vrywilligers is noodsaaklik om die mense op voetsoolvlak te mobiliseer en te help tydens ’n krisis. Ons bedank die Rooikruisverenigings van Namibië én Spanje hartlik vir hul toewyding om die regering te help om die Namibiese bevolking by te staan.”
Kommentaar
Republikein
Geen kommentaar is op hierdie artikel gelaat nie