Plaasbestuurder ernstig in aanval gewond

Henriette Lamprecht – Drie vermeende aanvallers het ’n vroulike plaasbestuurder Maandagaand op die plaas Hoog Genoeg aan die oostekant van die Erongo-berge aangerand en geskiet.Volgens die koördineerder van misdaadondersoeke in die Erongostreek, adj. komm. Erastus Iikuyu, kon die vrou daarin slaag om in ’n voertuig te vlug. Iikuyu sê die vrou het heelwat bloed verloor en verkeer tans in ’n ernstige toestand in ’n hospitaal in Windhoek. Volgens hom was die drie verdagtes gemasker en word steeds na hulle gesoek.“Die terrein is baie bergagtig en dis moeilik om ’n spoor te sny,” het hy oor die soektog gesê. ’n Spesiale eenheid van Walvisbaai gaan met die soektog help. Iikuyu het teen druktyd nie op vrae gereageer oor of die aanval verband hou met ’n gewapende rooftog in die vroeë oggendure die vorige dag op Omaruru nie.Die gewapende rooftog het Sondag omstreeks 04:27 by die Shell-vulstasie op Omuraru plaasgevind. Volgens Iikuyu het drie mans met klapmusse die winkel by die vulstasie betree. Die kassier en veiligheidswag is glo met wapens aangehou en die verdagtes het op kontant aangedring. Hulle het met N$25 000 in kontant in ’n silwer sedanvoertuig wat buite geparkeer was van die toneel gevlug.Volgens Iikuyu is niemand tydens die voorval beseer nie en is die verdagtes nog op vrye voet. Enigiemand wat moontlik inligting oor die voorval of die verdagtes het, kan AO Ndeshi Tiofelus by 081 327 2505 kontak. – henriette@republikein.com.na

Plaasbestuurder ernstig in aanval gewond

Kommentaar

Republikein 2025-05-15

Meld asseblief aan om kommentaar te lewer

Plaasbestuurder ernstig in aanval gewond

Kommentaar

Republikein 2025-05-15

Meld asseblief aan om kommentaar te lewer

MELD AAN

Advertensie