Pick n Pay wil baie minder kos weggooi
Die uitdaging vir enige supermarkgroep is om 'n balans te handhaaf en nie te vinnig voorraad vooruit te bestel nie.
Petrus Malherbe
Pick n Pay wil die hoeveelheid kos wat hy moet weggooi die volgende vyf jaar met die helfte verminder.
Dit is deel van 'n nuwe internasionale projek 10X20X30 waarvolgens groot supermarkgroepe soos Walmart, Ahold en Tesco die vermorsing van kos drasties wil verminder.
Pick n Pay het hom tot die projek verbind en het Dinsdag in 'n verklaring gesê hy het reeds 20 van sy grootste verskaffers gevra om met hom saam te werk.
Die uitdaging vir enige supermarkgroep is om 'n balans te handhaaf en nie te vinnig voorraad vooruit te bestel nie omdat dit tot 'n ooraanbod lei en tonne kos uiteindelik weggegooi word.
Tot 40% van alle kos wat in Suid-Afrika verbou word, moet uiteindelik weggegooi word, sê Gareth Ackerman, voorsitter van Pick n Pay.
Die waarde daarvan beloop meer as R100 miljard per jaar.
Die supermark het al in 2015 met 'n plan begin om die hoeveelheid kos wat op die ashoop beland, te verminder.
Pick n Pay skenk alle bederfbare produkte waarvan die vervaldatum verstryk het aan behoeftige organisasies.
Meer as 1 600 ton kos word jaarliks so geskenk.
Die maatskappy hoop om nou met sy verskaffers saam te werk ten einde beter te beplan sodat minder kos op die winkelrakke verval en gevolglik weggegooi (of geskenk) moet word.
Pick n Pay hoop om sy vermorsing teen 2025 met minstens 50% te verminder.
Pick n Pay se omset het in die halfjaar tot einde September met 6,5% tot R43,1 miljard gestyg en sy handelswins met 16% tot R1,1 miljard. Die grootste deel van sy inkomste word in Suid-Afrika verdien.
– Netwerk24
Pick n Pay wil die hoeveelheid kos wat hy moet weggooi die volgende vyf jaar met die helfte verminder.
Dit is deel van 'n nuwe internasionale projek 10X20X30 waarvolgens groot supermarkgroepe soos Walmart, Ahold en Tesco die vermorsing van kos drasties wil verminder.
Pick n Pay het hom tot die projek verbind en het Dinsdag in 'n verklaring gesê hy het reeds 20 van sy grootste verskaffers gevra om met hom saam te werk.
Die uitdaging vir enige supermarkgroep is om 'n balans te handhaaf en nie te vinnig voorraad vooruit te bestel nie omdat dit tot 'n ooraanbod lei en tonne kos uiteindelik weggegooi word.
Tot 40% van alle kos wat in Suid-Afrika verbou word, moet uiteindelik weggegooi word, sê Gareth Ackerman, voorsitter van Pick n Pay.
Die waarde daarvan beloop meer as R100 miljard per jaar.
Die supermark het al in 2015 met 'n plan begin om die hoeveelheid kos wat op die ashoop beland, te verminder.
Pick n Pay skenk alle bederfbare produkte waarvan die vervaldatum verstryk het aan behoeftige organisasies.
Meer as 1 600 ton kos word jaarliks so geskenk.
Die maatskappy hoop om nou met sy verskaffers saam te werk ten einde beter te beplan sodat minder kos op die winkelrakke verval en gevolglik weggegooi (of geskenk) moet word.
Pick n Pay hoop om sy vermorsing teen 2025 met minstens 50% te verminder.
Pick n Pay se omset het in die halfjaar tot einde September met 6,5% tot R43,1 miljard gestyg en sy handelswins met 16% tot R1,1 miljard. Die grootste deel van sy inkomste word in Suid-Afrika verdien.
– Netwerk24
Kommentaar
Republikein
Geen kommentaar is op hierdie artikel gelaat nie