Personeel 'depressief' oor klagtes

'Geen krisis met medisyne, voorrade'

31 July 2018 | Gesondheid
Henriette Lamprecht



Die Katutura-hospitaal het in die eerste drie maande vanjaar 31 251 pasiënte behandel.

Dit beteken volgens die superintendent van die hospitaal 'n gemiddeld van 'n pasiënt elke vyf minute vir die algemene sale, terwyl daar elke vier minute 'n noodgeval hier hanteer word.

“Ons hanteer duisende mense en somtyds is perfeksie vergete. Tussen duisende is een klag nie so erg nie,” het dr. Fady Ashmawy tydens 'n nuuskonferensie gesê wat gefokus het op die negatiewe beriggewing wat die hospitaal teister.

In die jongste geval het 'n dogter in 'n brief op sosiale media uitgevaar oor die behandeling wat haar ma in die hospitaal getraumatiseer gelaat het.

Volgens Ashmawy het dit die vertroue van beide personeel en pasiënte “geruk” en personeel depressief en ontmoedig laat voel.

“Hulle voel hul werk word nie waardeer nie.”

Hy het voorts gesê die dogter sou glo “baie lelike woorde” teenoor personeel gebruik het wat hul “eer en waardigheid” aangetas het.

“Ons het 'n oopdeurbeleid in die teenwoordigheid van gerugte en die afwesigheid van die ware inligting.”

Volgens Ashmawy vertrou die publiek “100% die koerante wat artikels publiseer sonder bewyse”.

“Julle skud die vertroue in die openbare diens en dit is gevaarlik. Kom ons wees waaksaam voor ons die publiek irriteer.”

Hy het voorts gesê mense veroordeel die hospitaal oor goed wat in die verlede gebeur het.



'Nie einde van wêreld'

“Ons het nie enige krisis met medisyne en voorrade nie. Dit is nie die einde van die wêreld as daar nie nou iets is nie; dit beteken nie dit gaan nooit kom nie, ons koop dit binne minute uit.”

Volgens Ashmawy is 'n proses aan die gang om kameras in die hospitaal te installeer.

Met verwysing na die muis- en kakkerlakplae wat die hospitaal teister, het hy gesê 'n “langdurige oplossing” word beplan. “Dié is nie 'n normale, gewone plek nie, en 'n verskeidenheid giwwe en gereedskap is nodig om dit te beheer.”

Van die oplossings sluit ultrasoniese afweermiddels in. Benewens rommel wat opgaar, kry pasiënte en besoekers ook die blaam wat “oorskiet en broodkrummels” laat rondlê en wat die gediertes lok.“Die diere het niks verkeerd gedoen nie.”

Volgens Ashmawy is pasiënte wat op gangvloere moet slaap, iets van die verlede. Hy het beklemtoon die hospitaal het 'n oopdeurbeleid en enige pasiënt of besoeker moet “in vrede en vertroue” vinnige en direkte toegang tot bestuur hê.

“Ek vra om verskoning aan enige persoon wat 'n slegte ervaring hier gehad het,” het Ashmawy gesê.

Volgens hom word elke klagte “erken en bestudeer” om dit te probeer oplos. In dié verband word gereelde beplande sowel as onbeplande ter plaatse steekproewe in die hospitaal gedoen om te verseker dat alles volgens riglyne verloop.

Soortgelyk

 

Getuie pak skuld op Katrina

12 ure gelede | Howe

Denver KistingMe. Katrina Hanse-Himarwa, die destydse goewerneur van die Hardapstreek, het vier jaar terug gesê 'n lys van begunstigdes van die massabehuisingsprojek op Mariental moet...

'Robocop' vir pille

12 ure gelede | Gesondheid

Henriette Lamprecht – In ’n hospitaal in Namibië is ’n robot met die naam Eva wat binne sekondes sorg dat elke pasiënt met sy of...

Nog twee dood ná gru-ongeluk

12 ure gelede | Ongelukke

Tanja Bause - Die ongeluk waarin sewe mense verlede Woensdag tussen Otjiwarongo en Otavi gesterf het, het nog twee se lewe geëis. Die ongeluk het...

Waterbestuur by skole kan 50% spaar

12 ure gelede | Plaaslik

Elvira HattinghIndien die munisipaliteit se voor­gestelde waterbestuurmaatreëls aan die onderwysministerie by skole toegepas sou word, kan hul waterrekeninge met minstens 50% verminder, meen 'n kenner....

Weer vir 14

12 ure gelede | Weer

BINNELAND: Sonnig en bloedig warm in die verre Noorde en Suide, andersins gedeeltelik bewolk en baie tot bloedig warm.KUS: Gedeeltelik bewolk en koel tot warm.GETYE...

Unam-staking verby

12 ure gelede | Onderwys

Die 11 dag lange staking van dosente en ander werknemers van die Universiteit van Namibië (Unam) het Maandagaand tot 'n einde gekom. Die verteenwoordigende vakbonde,...

Teengif-trust gestig ná seuntjie sterf

12 ure gelede | Omgewing

Francoise SteynbergVrolike kinderlaggies in 'n cul-de-sac in die Elisenheim-landgoed noord van Windhoek is stil nadat klein Deon Heunis (Dehan) de Wet (2) sy dapper stryd...

Sesjarige deur 17-jarige skoolkind verkrag

12 ure gelede | Misdaad

Tanja Bause 'n Sesjarige meisie is in die ­Oshitosi-nedersetting by Okatope verkrag deur 'n 17-jarige seun wat in graad 5 is. Hy het die jong...

Suider-Afrika in hittegreep

12 ure gelede | Weer

Die hoëdrukstelsel wat tans die suidpunt van Afrika domineer en vir baie warm, dalende lug sorg, sal volgens die Namibiese weerkantoor steeds vir sonnige en...