Pepkor: 90% verkies aandele as dividend

Nellie Brand-Jonker – Die meerderheid van Pepkor se aandeelhouers het verkies om hul dividend vir die boekjaar tot einde September in aandele te ontvang.Volgens die groep het net 10% verkies om ’n kontantdividend te ontvang.Die maatskappy het einde November ’n skripdividend vir die boekjaar verklaar.Netwerk24 het toe berig die direksie het besluit om dié dividend te verklaar in die lig van die poging om sy skuld te verlaag. Die skripdividend verseker dat kontant in die maatskappy behou word om sy skuld te delg.Die maatskappy het Maandag aangekondig hy het 37,8 miljoen nuwe gewone aandele ter waarde van altesaam R636,1 miljoen uitgereik.Die aandeelhouers wat gekies het om die kontantdividend van 20,9c per aandeel te ontvang, het altesaam 358,2 miljoen aandele gehou. Dit beteken die kontant wat die groep uitbetaal het, het R74,8 miljoen beloop.Moody’s het vandeesweek in ’n verklaring oor die eerste gradering wat aan Pepkor toegeken is, gesê sy twee grootste aandeelhouers het ook ingestem om ’n dividend in die vorm van aandele te ontvang.Pepkor se meerderheidsaandeelhouer is Steinhoff, wat 71% van sy aandele besit. – Netwerk24

Pepkor: 90% verkies aandele as dividend

Kommentaar

Republikein 2025-06-19

Meld asseblief aan om kommentaar te lewer

Pepkor: 90% verkies aandele as dividend

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie