Pensioenarisse aan swak administrasie uitgelewer

JURIE VILJOEN SKRYF:Ons was vir drie weke in die Kaap en het net koerant en Bybel gelees en was ontslae van die rompslomp van swak bestuur en ondoeltreffende beamptes. Dalk het SA meer sulke onbekwames.Ek was skaars in Namibië toe besef ek dat ons terug is in Afrika.Omdat ons ons pensioene in November gemis het weens geldige redes, het ons vroegtydig huiswerk gedoen en gehoor dat die pensioene op Donderdag 6 Januarie by die ou TB-hospitaal beskikbaar sal wees. Ons het ook verneem dat dit van 09:00 af uitbetaal sou word. So is ons vroeg weg om betyds te wees en het ook stoele saamgevat vir die wis en onwis en soos dit goeie pensioenarisse betaam.Toe ons daar opdaag, het ons besef dat 90% van hierdie mense van die mins-bevoorregde deel van die bevolking moet wees. Dis mense wat geld nodig het om van te lewe en hierdie pensioene beskou as die plasenta van hulle aardse bestaan.Daar was ongeveer 60 mense wat oral moes hang en haak teen die vuil mure en sitplekke. Jy voel vuil asof die virus aanwesig is op elke oppervlak waaraan jy raak. Hierdie toneel het my laat dink aan die Bybelse bad van Betesda waar mense in rolstoele en mense met ander gestremdhede wag dat die water moet roer. Daar is geen geriewe soos toilette en drinkwater beskikbaar nie. Jy lees die moedeloosheid op baie gesigte. Wat nou? Wat ’n skande!Baie mense blaas die aftog so asof hulle weet dat daar niks gaan gebeur nie. Enkeles wat beskik oor telefoonnommers maak kontak met die “betaalpunt”. Dit raak later 10:00 en vind ons uit dat hierdie mense nog besig is met uitbetalings by Havana.Ons doen navraag by die kantoor en ons word meegedeel, dat hulle weer op 27 Januarie uitbetalings sal doen.Daar was vroeër die uitdrukking om die “Job in die kraal te jaag” (moed op te gee). Aankondigings sal blykbaar oor die radio gedoen word en nou wonder ek hoeveel van daardie mense het ’n radio.My vraag is, vir hoe lank moes daardie mense rondhang voordat die betaalmeesters opgedaag het.Die belangrikste vraag egter is hoe gaan die mense wat van die geld moet lewe, oorleef en hoe kry ons leiding uit hierdie wanadministrasie. En kan ons dit maar net uitskreeu: Wanneer?

Pensioenarisse aan swak administrasie uitgelewer

Kommentaar

Republikein 2026-06-16

Meld asseblief aan om kommentaar te lewer

Pensioenarisse aan swak administrasie uitgelewer

Kommentaar

Republikein 2026-06-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.