Penguin net enkele punte voor Orca

Die Namibiese Rots- en Strandhengelvereniging se derde interklubkompetisie is laas Saterdag in die omgewing van Popeye afgehandel. Vyftien klubs het meegeding en het vooraf die kapteinsvergadering by die afdraai van Popeye bygewoon. Die hengelarea is afgespreek om vanaf Sarah se Gat tot by Myl 68 te strek, met die hengeltyd vanaf 08:00 tot 15:00.Die weer speel egter nie saam nie en die dag is koud en mistig. Die hengelaars byt vas en probeer hard om 'n vissie aan te keer. Aan die einde van die dag was die topdrie klubs Penguin hengelklub (1712 punte), Orca hengelklub (1704 punte) en Hentiesbaai hengelklub (1677 punte).Individueel was die Johan van Wyk van Mako hengelklub die toonaangewende hengelaar van die dag, met Henri Snyman van Penguin tweede en Jan Hendrik Jacobs van Orca derde. Michelle Andersen van Hentiesbaai hengelklub was die voorste vrouehengelaar, gevolg deur Nedjilka Kolher van Hentiesbaai-klub en Marina Kruger van Skeleton Coast hengelklub.Ander kategoriewenners:Onder 21: 1 Carel Agenbach van Hentiesbaai, 2 Brandon Grane van Skeleton, 3 Henko Snyman van Penguin.Onder 16: 1 Kay Bachran van Atlantic hengelklub, 2 Sven Welzig van Atlantic, 3 Herman Krauze (jnr) van Hentiesbaai.Die swaarste eetbare vis van die dag was 'n kabeljou van 4,6 kg gevang deur Nico Kotze van Penguin hengelklub.Die swaarste oneetbare vis was 'n koeihaai van 50,5 kg gevang deur Henri Snyman van Penguin.'n Totaal van 84 eetbare visse – net galjoen en kabeljou – met 'n massa van 88,9 kg is gevang. Die oneetbare visvangste vir dag was 404,3 kg, wat alles lewendig terug in die seewater geplaas is.Besoek gerus die vereniging se webtuiste www. nsaa.com.na, geborg deur Alpro.

Penguin net enkele punte voor Orca

Kommentaar

Republikein 2025-05-01

Meld asseblief aan om kommentaar te lewer

Penguin net enkele punte voor Orca

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie