Pendelaars hóés van môre af vir vervoer

Tariewe vir taxi’s, busse styg met 20%

31 August 2018 | Vervoer
Ronelle Rademeyer - Taxiritte en busvervoer kos van môre af 20 persent méér.

Dit beteken ’n taxirit van Katutura af na Windhoek se sentrale gebied sal voortaan nie meer N$10 nie, maar N$12 kos.

Hoe verder weg ’n woonbuurt van Katutura af is, hoe hoër is die tarief. Pendelaars na Klein Windhoek sal voortaan N$24 betaal, na Cimbebasia N$42 en na Klein Kuppe N$45,60.

Die aankondiging oor dié lank verwagte verhoging is gistermiddag deur die voorsitter van die Padvervoerraad, mnr. Percy McNally, gemaak.

Hy het joernaliste en belanghebbendes in die bus- en taxibedryf meegedeel dat tariewe ná deegelike oorweging op 1 September met 20 persent sal styg.

Dié raad het onlangs aansoeke van drie vakbonde vir die verhogings ontvang. Die Namibiese Bus- en Taxivereniging (Nabta) het vir ’n 20%-verhoging gevra en die Namibiese Openbare Passasiervervoervereniging (NPPTA) ’n 10%-verhoging. Albei verteenwoordig eienaars van taxi-ondernemings.

Die Namibië Vervoer- en Taxivakbond (NTTU), wat taxidrywers verteenwoordig, het aangedring op ’n 50%-verhoging.

McNally sê die raad het met die onderskeie instansies sowel as met pendelaars gesprekke gevoer. Hy het hulle vir hul waardevolle insette bedank.

Volgens hom het die raad die swak ekonomie en hoë lewenskoste in aanmerking geneem, tesame met die feit dat tariewe in 2014 laas aangepas is en brandstofpryse intussen skerp gestyg het.

Mnr. John Mutorwa, minister van werke en vervoer, het vroeër verduidelik die Padvervoerraad, wat ingevolge die Wet op Padvervoer, nr. 74 van 1977, ingestel is, het alleenreg op die goedkeuring van prysverhogings.

Die wet beperk verhogings tot 10% op ’n slag, en koppel goedkeurings aan die brandstofprys, het hy gesê.

Soortgelyk

 

Getuie pak skuld op Katrina

12 ure gelede | Howe

Denver KistingMe. Katrina Hanse-Himarwa, die destydse goewerneur van die Hardapstreek, het vier jaar terug gesê 'n lys van begunstigdes van die massabehuisingsprojek op Mariental moet...

'Robocop' vir pille

12 ure gelede | Gesondheid

Henriette Lamprecht – In ’n hospitaal in Namibië is ’n robot met die naam Eva wat binne sekondes sorg dat elke pasiënt met sy of...

Nog twee dood ná gru-ongeluk

12 ure gelede | Ongelukke

Tanja Bause - Die ongeluk waarin sewe mense verlede Woensdag tussen Otjiwarongo en Otavi gesterf het, het nog twee se lewe geëis. Die ongeluk het...

Waterbestuur by skole kan 50% spaar

12 ure gelede | Plaaslik

Elvira HattinghIndien die munisipaliteit se voor­gestelde waterbestuurmaatreëls aan die onderwysministerie by skole toegepas sou word, kan hul waterrekeninge met minstens 50% verminder, meen 'n kenner....

Weer vir 14

12 ure gelede | Weer

BINNELAND: Sonnig en bloedig warm in die verre Noorde en Suide, andersins gedeeltelik bewolk en baie tot bloedig warm.KUS: Gedeeltelik bewolk en koel tot warm.GETYE...

Unam-staking verby

12 ure gelede | Onderwys

Die 11 dag lange staking van dosente en ander werknemers van die Universiteit van Namibië (Unam) het Maandagaand tot 'n einde gekom. Die verteenwoordigende vakbonde,...

Teengif-trust gestig ná seuntjie sterf

12 ure gelede | Omgewing

Francoise SteynbergVrolike kinderlaggies in 'n cul-de-sac in die Elisenheim-landgoed noord van Windhoek is stil nadat klein Deon Heunis (Dehan) de Wet (2) sy dapper stryd...

Sesjarige deur 17-jarige skoolkind verkrag

12 ure gelede | Misdaad

Tanja Bause 'n Sesjarige meisie is in die ­Oshitosi-nedersetting by Okatope verkrag deur 'n 17-jarige seun wat in graad 5 is. Hy het die jong...

Suider-Afrika in hittegreep

12 ure gelede | Weer

Die hoëdrukstelsel wat tans die suidpunt van Afrika domineer en vir baie warm, dalende lug sorg, sal volgens die Namibiese weerkantoor steeds vir sonnige en...