Pelgrim spring van Groot Moskee in Mekka na sy dood

'n Man het van die dak van die Groot Moskee in Mekka na sy dood gespring voor duisende Moslem-pelgrims. Die onbekende man het hom Vrydag doodgeval tussen die menigte wat besig was met gebede wat van die Moslems verwag word tydens die heilige Ramadaan-maand. Geskokte stemme het opgegaan terwyl pelgrims na Mekka die man sien spring het. Selfdood is verbode ingevolge Moslem-geloof. Polisiebeamptes en paramedici het probeer om die man te red, maar dit was tevergeefs. Plaaslike media het luidens The Sun berig dit was 'n 26-jarige Fransman wat die Moslem-geloof aanvaar het. – Netwerk24