PDM: Is Namibië in weermag se greep?

Die tesourier-generaal van die Popular Democratic Movement (PDM), mnr. Nico Smit, sê die minister van verdediging, mnr. Penda ya Ndakolo, se erkenning dat hy onbewus is van die weermag se aankoop van die plaas Otjisemba, behoort tot sy bedanking te lei.Ya Ndakolo het in die Nasionale Vergadering (NV) op ‘n mondelinge vraag van me. Jennifer van den Heever van die PDM geantwoord toe hy dié onthulling gemaak het.Smit sê die erkenning dat Ya Ndakolo onbewus was van die transaksie van N$24 miljoen waarin die weermag die plaas Otjisemba van mnr. Kurt Steinhausen gehoop het, is skokkend. “Ongelukkig glo ons regering nie daarin om verantwoordelikheid te aanvaar vir besluite van topvlak nie.“Ya Ndakolo se belaglike uitlating lei tot een of twee moontlike gevolgtrekkings: Hy is óf ‘n leuenaar en probeer tyd wen sodat hy ‘n verskoning kan uitdink, óf hy is totaal onbevoeg om ‘n minister te wees wat beheer oor ‘n reusebedrag van belastingbetalers se geld het wat nie deur die parlement of die opperbevelvoerder van die weermag, pres. Hage Geingob, nagesien word nie. Dit wil voorkom of hy die sleutels van die nasionale tesourie het,” sê Smit.Hy sê die PDM kan nie anders as om te wonder of Namibië steeds ‘n demokrasie is en of die land deur die weermag gevange gehou word soos in die geval van Zimbabwe nie. Hy sê almal weet die Grondwet en die parlement beheer nie die weermag in Zimbabwe nie - iets wat duidelik geblyk het uit die manier waarop oudpres. Robert Mugabe nie so lank gelede nie in ‘n bloedlose staatsgreep uit sy amp onthef is. “Is dit wat vir Namibië voorlê? Het ons regerende party die NDF toegelaat om so magtig te word vanweë ‘n gebrek aan parlementêre oorsig, dat dit nou amok maak?” vra Smit.Hy het ook die politieke wetenskaplike, prof. André du Pisani, aangehaal wat sê daar is vier kritieke komponente om militêre besteding doeltreffend te beheer. Een hiervan is om doeltreffende en doelmatige beheer, onderhewig aan parlementêre toesig, te verseker. Waar nuwe aankope gedoen word in reaksie op veranderde omstandighede, moet parlementêre goedkeuring verkry word.“Die PDM is diep bekommerd oor die feit dat geen parlementêre toesig in Namibië vereis word nie. Dit plaas ons demokrasie, om nie eers van die vermorsing van belastingbetalersgeld te praat nie, in groot gevaar. Hierbenewens is pres. Hage Geingob se dawerende stilte oor hierdie kwessie waar geld gemors is om twee plase ter waarde van byna N$70 miljoen te koop, kommerwekkend.”Smit het in ’n nuusverklaring gesê dit lyk of Ya Ndakolo ‘n bespotting van pres. Geingob maak, wat ‘n mens laat wonder of hy dalk magtiger as die president is.“As dit die geval is, het Namibiërs rede om bekommerd oor die stand van ons demokrasie te wees,” het Smit gesê.

PDM: Is Namibië in weermag se greep?

Kommentaar

Republikein 2026-05-05

Meld asseblief aan om kommentaar te lewer

PDM: Is Namibië in weermag se greep?

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.