Pathcare toets plaaslik vir Covid-19
Pathcare Namibia is tans besig om die akkuraatheid van toetse na te gaan om te verseker dit voldoen aan internasionale standaarde.
Henriette Lamprecht
“As alles goed verloop” sal Pathcare Namibia reeds vandeesweek kan begin om plaaslik vir Covid-19 te toets, nadat die nodige toetspakkette hiervoor verkry is.
Volgens dr. Frans Colesky van Pathcare Namibia het die maatskappy reeds die apparate (tegniese masjiene of toetsplatforms) wat ook vir ander toetse gebruik word.
Die uitdaging was om die toetspakkette te ontwikkel en te verkry wat op bestaande toetsplatforms werk.
Colesky verduidelik die toetspakkette is 'n versameling chemikalieë vooraf handig verpak wat gebruik word om die genetiese materiaal van die virus te wys wat dan deur 'n masjien (toetsplatform) raakgesien kan word om te bepaal of iemand geïnfekteer is.
“Tans is ons besig om die akkuraatheid van die toetse in ons hande na te gaan, aangesien ons 'n ISO (International Standards Organisation)-geakkrediteerde laboratorium is en aan hul internasionale standaarde moet voldoen. Jy wil tog die antwoord kan vertrou.”
Die aantal toetse per dag en uitslae daarvan hang volgens Colesky af van hoeveel aanvrae hulle kry.
“Die maksimum wat ons aanvanklik in 24 uur sal kan ontleed, is sowat 200 toetse in Windhoek. Uitslae, afhangende van volume, sal binne 24 tot 48 uur beskikbaar wees.”
Die toetse sal aanvanklik net in Windhoek gedoen word, maar Colesky sê die maatskappy het reeds die toetsplatforms in van hul ander takke.
Vir laasgenoemde word gewag vir toetspakkette wat van die buiteland moet kom om soontoe te stuur.
Volgens hom staan lande met 'n hoër aantal infeksies soos Amerika egter eerste in die ry om die toetspakkette te kry en moet dié met minder infeksies langer wag.
Met verwysing na die betaling van die toetse het Colesky gesê die staat se mediese fonds, Psemas, het aangedui die Namibië Instituut vir Patologie (NIP) sal die pasiënte se toetse hanteer.
Volgens hom ontvang Pathcare geen subsidie van die staat of skenkings van ander instellings om die diens aan te bied nie.
“Ons koop self die toetspakkette van oorsee af aan.
“Ons kon egter 'n beter prys as voorheen beding en bied dit tans teen N$850 aan, waarvoor mediese fondse wel betaal. Ons bied ook die toets teen kosprys aan.”
Colesky sê die virus was nuut vir die medies-wetenskaplike wêreld, en daarom moes daar eers toetse ontwikkel word wat spesifiek vir die virus kan toets. Ná die ontwikkeling moes dit op groot skaal vervaardig word sodat laboratoriums wêreldwyd vir die virus kan toets.
Verder moes nie net 'n toets vir die Covid-19-virus ontwikkel word nie, maar moes dit ook uitgebrei word om op die verskillende fabrikate van tegniese masjiene (toetsplatforms) te kan werk.
“Die ontwikkeling van die toets, uitbreiding van masjiene (toetsplatforms) waarop dit kan werk en die groot aanvraag daarvoor, beperk natuurlik die beskikbaarheid van die toetse wat enige laboratorium in die hande kan kry.”
Die toets soek vir unieke genetiese materiaal eie aan die Covid-19-virus en wanneer dit aanwesig is, kan die diagnose gemaak word.
Bloedtoetse wat teenliggame uitwys, sê net of die persoon voorheen Covid-19 gehad het.
“Dit help nie in die vroeë stadium van 'n pandemie wanneer ons wil weet wie en hoeveel mense geïnfekteer is nie.”
- [email protected]
“As alles goed verloop” sal Pathcare Namibia reeds vandeesweek kan begin om plaaslik vir Covid-19 te toets, nadat die nodige toetspakkette hiervoor verkry is.
Volgens dr. Frans Colesky van Pathcare Namibia het die maatskappy reeds die apparate (tegniese masjiene of toetsplatforms) wat ook vir ander toetse gebruik word.
Die uitdaging was om die toetspakkette te ontwikkel en te verkry wat op bestaande toetsplatforms werk.
Colesky verduidelik die toetspakkette is 'n versameling chemikalieë vooraf handig verpak wat gebruik word om die genetiese materiaal van die virus te wys wat dan deur 'n masjien (toetsplatform) raakgesien kan word om te bepaal of iemand geïnfekteer is.
“Tans is ons besig om die akkuraatheid van die toetse in ons hande na te gaan, aangesien ons 'n ISO (International Standards Organisation)-geakkrediteerde laboratorium is en aan hul internasionale standaarde moet voldoen. Jy wil tog die antwoord kan vertrou.”
Die aantal toetse per dag en uitslae daarvan hang volgens Colesky af van hoeveel aanvrae hulle kry.
“Die maksimum wat ons aanvanklik in 24 uur sal kan ontleed, is sowat 200 toetse in Windhoek. Uitslae, afhangende van volume, sal binne 24 tot 48 uur beskikbaar wees.”
Die toetse sal aanvanklik net in Windhoek gedoen word, maar Colesky sê die maatskappy het reeds die toetsplatforms in van hul ander takke.
Vir laasgenoemde word gewag vir toetspakkette wat van die buiteland moet kom om soontoe te stuur.
Volgens hom staan lande met 'n hoër aantal infeksies soos Amerika egter eerste in die ry om die toetspakkette te kry en moet dié met minder infeksies langer wag.
Met verwysing na die betaling van die toetse het Colesky gesê die staat se mediese fonds, Psemas, het aangedui die Namibië Instituut vir Patologie (NIP) sal die pasiënte se toetse hanteer.
Volgens hom ontvang Pathcare geen subsidie van die staat of skenkings van ander instellings om die diens aan te bied nie.
“Ons koop self die toetspakkette van oorsee af aan.
“Ons kon egter 'n beter prys as voorheen beding en bied dit tans teen N$850 aan, waarvoor mediese fondse wel betaal. Ons bied ook die toets teen kosprys aan.”
Colesky sê die virus was nuut vir die medies-wetenskaplike wêreld, en daarom moes daar eers toetse ontwikkel word wat spesifiek vir die virus kan toets. Ná die ontwikkeling moes dit op groot skaal vervaardig word sodat laboratoriums wêreldwyd vir die virus kan toets.
Verder moes nie net 'n toets vir die Covid-19-virus ontwikkel word nie, maar moes dit ook uitgebrei word om op die verskillende fabrikate van tegniese masjiene (toetsplatforms) te kan werk.
“Die ontwikkeling van die toets, uitbreiding van masjiene (toetsplatforms) waarop dit kan werk en die groot aanvraag daarvoor, beperk natuurlik die beskikbaarheid van die toetse wat enige laboratorium in die hande kan kry.”
Die toets soek vir unieke genetiese materiaal eie aan die Covid-19-virus en wanneer dit aanwesig is, kan die diagnose gemaak word.
Bloedtoetse wat teenliggame uitwys, sê net of die persoon voorheen Covid-19 gehad het.
“Dit help nie in die vroeë stadium van 'n pandemie wanneer ons wil weet wie en hoeveel mense geïnfekteer is nie.”
- [email protected]
Kommentaar
Republikein
Geen kommentaar is op hierdie artikel gelaat nie