Passe se ryers toets eie grense

Die afgelope naweek se 3Passes bergfietstoer het baie goed afgeloop, sê die hooforganiseerder, Johan Fourie. Vrydag (dag 1) was baie moeilik met hitte, sterk winde asook baie slegte padoppervlak wat die 157 km (of deel daarvan) baie uitdagend gemaak het. Ryers, oud en jonk, het vir hulself ’n mikpunt gestel en daarnatoe gewerk. Saterdag (dag 2) het die keuse van óf 73 km óf 123 km gebied en beide die roetes, hoewel met beter oppervlak, was weereens gekenmerk met die uitdagende Namibiese winde en hitte. “Ryers het hulself weereens goed van hul taak gekwyt. Ek het die besluit geneem om Sondag (dag 3) ’n groeprit te maak. Almal het vir almal gewag en, behalwe van een tegniese breek, het die dag baie rustig verloop. Weereens het oud en jonk deel gemaak van die rit.“Aan ons ondersteuningsgroepe wat saam met ons beweeg het – baie dankie. Of jy heeldag in ’n kar moes deurbring en of jy ’n waterpunt beman het, weet dat ons dit ongelooflik baie waardeer. Hierdie mense spandeer ure langs die pad en ontvang selde die krediet wat hulle verdien.“Onjala Lodge & Spa, wat ons tuiste was vir die drie dae, was elke dag slaggereed om ryers terug te verwelkom. Heiner en Zelda en hul span by die lodge asook die Spa het baie goed na ons omgesien. Hulle het alles in hul vermoë gedoen om ons reg en gereed te kry vir nog ’n dag se ry.“Ek bedank graag ons hoofborge PSG Namibia en Atlas Engineering Solutions vir hul ondersteuning. Vir ’n nuwe ryer is 10 km net so ’n groot uitdaging soos 150 km vir iemand meer ervare en dus is dit vir my ongelooflik belangrik om elke ryer te vergoed vir wat hulle insit. Of dit ’n geskenk voor of né die toer is, hierdie borge het dit moontlik gemaak.”Ander bydraende borge was Santam Namibia (gelukstrekkings), Onjala Lodge & Spa (gelukstrekkings), PSG Namibia (gelukstrekkings en waterpunt), Atlas Engineering Solutions (gelukstrekkings en waterpunt) en Superspar The Grove (geskenkpakke).“Baie dankie aan elkeen vir jul deelname. Altyd ’n voorreg om tyd saam met vriende en familie te spandeer,” sê Fourie.

Passe se ryers toets eie grense

Kommentaar

Republikein 2025-12-18

Meld asseblief aan om kommentaar te lewer

Passe se ryers toets eie grense

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.