Paspoorte eers Oktober hier

Henriette Lamprecht – Die groen paspoortboekies wat vroeg vandeesmaand in die land verwag is, gaan nou eers hul opwagting in Oktober maak.Dít nadat die masjien wat die boekies druk glo gebreek het en daar gesukkel is om die stukkende parte in die hande te kry.Volgens die uitvoerende direkteur in die ministerie van binnelandse sake en immigrasie, mnr. Etienne Maritz, word die nuwe voorraad boekies “hopelik” aanstaande maand verwag. Maritz kon nie die presiese datum verskaf wanneer die boekies uiteindelik hul opwagting sal maak nie.“Ek sal teen die einde van die week meer weet oor watter datum,” het hy gesê.Volgens Maritz is daar steeds genoeg boekies vir noodgevalle beskikbaar. Die noodgevalle sluit mediese, sake- en studie-oorwegings in. Elk van dié aansoeke word deur ‘n spesiale komitee op meriete oorweeg.Maritz het gerugte ontken dat die bruin paspoortboekies wat as tussentydse maatreël uitgereik is, ook nou op is.“Daar is steeds bruin paspoortboekies beskikbaar.”Hy het ook gesê mense wat reeds hul aansoeke vir paspoorte ingedien het, is steeds op die stelsel en sal gehelp word sodra die groen paspoortboekies hul verskyning maak. Die nuwe paspoorte sal voortaan 10 jaar in plaas van net vyf jaar geldig wees. Dit geld vir nasionale, diplomatieke en amptelike paspoorte. Die minister van inligting en kommunikasietegnologie, mnr. Stanley Simataa, het vroeër gesê dit is duur om ‘n paspoort te bekom en die verlenging sal mense wat nie gereeld reis nie, meer tyd gun om hul paspoort te gebruik.

Paspoorte eers Oktober hier

Kommentaar

Republikein 2026-03-19

Meld asseblief aan om kommentaar te lewer

Paspoorte eers Oktober hier

Kommentaar

Republikein 2026-03-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.