Pas te hewig vir Namibiese duo
Gholf
Andrew Poolman - Beide Namibiërs het dit moeilik gevind om binne bereik van die voorlopers te bly tydens die Investec Suid-Afrikaanse Ope gholftoernooi vir vroue wat op 'n oorwegend windstil Westlake-baan in Kaapstad beslis is.
Trouens, Jessica Dreesbeimdieke en Bonita Bredenhann kon beide nie die afsnypunt ná die eerste twee dae oorleef nie en het sonder enige prysgeld huiswaarts gekeer.
Dreesbeimdieke het haar eerste twee rondes met 74 en 78 houe voltooi (agt oor baansyfer) en Bredenhann het een hou meer neergeskryf (74 en 79).
Aan die voorpunt het Alice Hewson van Engeland as wenner met 'n stewige R552 000 weggestap nadat drie rondes van 70, 70 en 71 haar vyf onder die baansyfer laat eindig het.
Dit was goed genoeg vir 'n sege met een hou beter as Monique Smit (Suid-Afrika) en Emma Nilsson (Swede), wat met hul gesamentlike tweede posisie elk met R276 000 beloon is.
Merkwaardig van Hewson se sege is dat sy haar beroepsdebuut op die Europese Vrouetoer gemaak het, nadat sy verlede jaar die Europese amateurvrouekampioen was. Voor die laaste ronde was sy met drie houe agter, maar het kopgehou om die oorwinning in haar guns te beklink.
Op 'n vraag of sy nie bekommerd was dat die toernooi te midde van die coronavirus-pandemie voortgegaan het nie, het Hewson geantwoord: “Ek dink dit was definitief die regte besluit dat ons vandeesweek voortgespeel het en ook die regte besluit om die komende toernooie te kanselleer.
“Almal van ons was reeds hier en die risiko was baie laag. Dit was lekker om te kon gholf speel, want ons weet nie hoeveel tyd gaan verloop voordat ons dit weer sal kan doen nie.”
Die Investec Suid-Afrikaanse Ope vir vroue het 'n totale prysgeld van 200 000 pond (R3.98 miljoen) en het gevolglik 'n sterk internasionale veld gelok.
Aan die einde van die eerste dag was die voorloper Nicole Garcia (RSA) met 69 houe, hoewel sy later uitgesak het om die toernooi in die gesamentlike 34ste posisie te voltooi (222 houe, ses oor syfer).
Met die afsluiting van dag twee was Olivia Cowan van Duitsland in die voorste posisie (sewe onder syfer, ná rondes van 69 en 68), voordat sy met 'n finale ronde van 77 uitgesak het om gesamentlik sewende te eindig.
• Bredenhann, wat reeds sedert 2015 'n beroepspeler op die Suid-Afrikaanse Sonskynvrouetoer is, se geldverdienste in haar loopbaan sedertdien staan tans op R466 404.
Dreesbeimdieke, wat meer onlangs die beroepsarena betree het en meestal op die Amerikaanse toneel meeding, se verdienste uit nege toernooie op die Sonskyntoer van die afgelope twee seisoen kom op R42 622 te staan.
Trouens, Jessica Dreesbeimdieke en Bonita Bredenhann kon beide nie die afsnypunt ná die eerste twee dae oorleef nie en het sonder enige prysgeld huiswaarts gekeer.
Dreesbeimdieke het haar eerste twee rondes met 74 en 78 houe voltooi (agt oor baansyfer) en Bredenhann het een hou meer neergeskryf (74 en 79).
Aan die voorpunt het Alice Hewson van Engeland as wenner met 'n stewige R552 000 weggestap nadat drie rondes van 70, 70 en 71 haar vyf onder die baansyfer laat eindig het.
Dit was goed genoeg vir 'n sege met een hou beter as Monique Smit (Suid-Afrika) en Emma Nilsson (Swede), wat met hul gesamentlike tweede posisie elk met R276 000 beloon is.
Merkwaardig van Hewson se sege is dat sy haar beroepsdebuut op die Europese Vrouetoer gemaak het, nadat sy verlede jaar die Europese amateurvrouekampioen was. Voor die laaste ronde was sy met drie houe agter, maar het kopgehou om die oorwinning in haar guns te beklink.
Op 'n vraag of sy nie bekommerd was dat die toernooi te midde van die coronavirus-pandemie voortgegaan het nie, het Hewson geantwoord: “Ek dink dit was definitief die regte besluit dat ons vandeesweek voortgespeel het en ook die regte besluit om die komende toernooie te kanselleer.
“Almal van ons was reeds hier en die risiko was baie laag. Dit was lekker om te kon gholf speel, want ons weet nie hoeveel tyd gaan verloop voordat ons dit weer sal kan doen nie.”
Die Investec Suid-Afrikaanse Ope vir vroue het 'n totale prysgeld van 200 000 pond (R3.98 miljoen) en het gevolglik 'n sterk internasionale veld gelok.
Aan die einde van die eerste dag was die voorloper Nicole Garcia (RSA) met 69 houe, hoewel sy later uitgesak het om die toernooi in die gesamentlike 34ste posisie te voltooi (222 houe, ses oor syfer).
Met die afsluiting van dag twee was Olivia Cowan van Duitsland in die voorste posisie (sewe onder syfer, ná rondes van 69 en 68), voordat sy met 'n finale ronde van 77 uitgesak het om gesamentlik sewende te eindig.
• Bredenhann, wat reeds sedert 2015 'n beroepspeler op die Suid-Afrikaanse Sonskynvrouetoer is, se geldverdienste in haar loopbaan sedertdien staan tans op R466 404.
Dreesbeimdieke, wat meer onlangs die beroepsarena betree het en meestal op die Amerikaanse toneel meeding, se verdienste uit nege toernooie op die Sonskyntoer van die afgelope twee seisoen kom op R42 622 te staan.
Kommentaar
Republikein
Geen kommentaar is op hierdie artikel gelaat nie