Pas dié diamant-skoene in jou Kerskous?

Elvira Wood - Wanneer dit by diamante kom, skroom juweliers en afslaers nie om enorme pryse te vra nie.Dié week is daar twee unieke produkte wat diamantliefhebbers met stewige bankrekeninge as ’n moontlike Kersgeskenk vir daardie besonder spesiale persoon kan oorweeg.Die afslaer Christie’s gaan dié week ’n pienk diamant genaamd die Pink Legacy in Genève, Switserland, opveil.Dié diamant van bykans 19 karaat kan vir tot soveel as US$50 miljoen (sowat R715 miljoen teen die huidige wisselkoers) verkoop word.AFP berig wat dié diamant so uniek maak is omdat die meeste pienk diamante minder as een karaat weeg.’n Bielie van bykans 19 karaat is dus baie uniek.Dit het voorheen aan die Oppenheimer-familie behoort wat die diamantmyngroep De Beers gestig het.Die rede hoekom Christie’s dink hy so ’n groot prys vir die diamant kan kry is omdat hy in 2017 die Pink Promise, ’n pienk diamant van 15 karaat, vir US$32,5 miljoen verkoop het.SKOENEAs ’n reusediamant en sy duur prys jou nie aanstaan nie, is daar altyd ’n paar diamantbedekte skoene wat dalk as Kersgeskenk kan deug.Bloomberg berig die bekende ontwerper Jimmy Choo het ’n paar skoene ontwerp wat met duisende pienk diamante bedek is.Die skoene, wat vir US$4,3 miljoen (sowat R62 miljoen) te koop is, gaan dié week in China uitgestal word.Dit is die duurste item wat Gènavant by die Chinese internasionale ekspo in Sjanghai gaan uitstal. Die modehuis Gènavant behoort aan Choo en sy medeontwerper Reggie Hung.Gènavant besef egter US$4,3 miljoen mag dalk bietjie duur wees vir die meeste verbruikers.Die modehuis bied dus ’n “goedkoper” opsie ook aan – teen US$50 000 (R715 000) per paar. – Netwerk24

Pas dié diamant-skoene in jou Kerskous?

Kommentaar

Republikein 2026-07-03

Meld asseblief aan om kommentaar te lewer

Pas dié diamant-skoene in jou Kerskous?

Kommentaar

Republikein 2026-07-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.