Parlement gesluit weens Covid-19-geval
Denver Kisting – Die geboue wat die Nasionale Vergadering (NV) en die Nasionale Raad (NR) huisves, is tot 9 Augustus toe weens ’n Covid-19-geval.
Die NV sê by monde van sy woordvoerder, mnr. David Nahogandja, in ’n verklaring: “Die tydelike sluiting kom as ’n voorkomende maatreël nadat een van die personeellede van die NR positief vir Covid-19 getoets het.
“Die parlementsgebou is ’n gemeenskaplike area wat deur lede en personeel van albei parlementshuise gebruik word.”
Volgens hom sal lede en personeel vir die tersaaklike tydperk van die huis af werk.
Nahogandja sê personeellede sal op Maandag 10 Augustus terugkeer werk toe.
Pres. Hage Geingob en LP's tydens ’n vorige opening van die parlementsjaar. FOTO ARGIEF
- [email protected]
Kommentaar
Republikein
Geen kommentaar is op hierdie artikel gelaat nie