Parkeer-frustrasie by Hosea Kutako

Passasiers wat onlangs vlugte van die Internasionale Lughawe Hosea Kutako na die buiteland moes onderneem, kon nie by die parkeergebied inkom nie omdat die parkeermeters se kaartjies uit voorraad was, is deur lughawepersoneel teenoor Republikein bevestig. Dit het passasiers gedwing om hul bagasie vóór die ingangshekke uit hul voertuie te laai en daarmee na die lughawegebou te stap. ’n Lang ry voertuie het opgedam voordat kaartjies uiteindelik in die parkeermeters geplaas is en die voertuie toegang tot die parkeerruimte kon kry. Foto Tanja Bause