Palin se seun rand pa glo in Alaska aan
Track Palin staan tereg op drie aanklagte, wat aanranding en huisbraak insluit.
Sarah Palin, voormalige goewerneur van Alaska, wat die eerste keer in 2008 in die kollig was toe die Amerikaanse senator John McCain haar as 'n adjunkpresidentskandidaat in sy veldtog benoem het, en haar gesin is weer in die nuus.
Track Palin (28), Sarah en haar man, Todd, se oudste seun, word daarvan aangekla dat hy by sy ouerhuis ingebreek en sy pa aangerand het, berig die LA Times. Track het glo Saterdag ten tyde van die chaos by die gesin se huis in Wasilla, Alaska, gesmeek dat sy pa hom skiet nadat dié na bewering in 'n stadium 'n vuurwapen uitgepluk het.
Luidens CNN het Sarah die polisie ontbied en gesê haar seun gebruik die een of ander medisyne. Dié inligting is in 'n polisieverklaring vervat.
Track het sy pa glo geslaan nadat hulle 'n rusie oor 'n bakkie gehad het. Hy staan tereg op drie aanklagte, wat aanranding en huisbraak insluit. Todd het beserings aan sy gesig en kop opgedoen.
Times Magazine berig Track het die polisielede op die toneel “peanuts” genoem en gesê hulle moet hul vuurwapens neersit toe hulle met hom probeer onderhandel. Hy het glo selfs op die motorhuis se dak geklim voordat hy uiteindelik in hegtenis geneem is.
Track het glo 'n paar biere voor die voorval gedrink.
Dit is nie die eerste voorval van gesinsgeweld waarby hy betrokke is nie. Hy is in 2016 vasgetrek nadat hy sy meisie glo aangerand het, en sy toe bang was dat hy homself gaan skiet. Hy het later skuld beken op aanklag van die besit van 'n vuurwapen terwyl hy onder die invloed van drank was.
Die meisie het later toesig van hul kind bekom en 'n beskermingsbevel teen Track gekry. Sarah het haar seun se gedrag in 2016 aan sy “tyd oorsee” toegeskryf.
“Ek kan my vereenselwig met ander gesinne wat die gevolge van posttraumatiese stresversteuring ervaar waarmee ons soldate terugkeer,” het sy gesê.
Track het in 2008 diensplig in Irak gedoen. - Netwerk24/Nampa/Reuters
Track Palin (28), Sarah en haar man, Todd, se oudste seun, word daarvan aangekla dat hy by sy ouerhuis ingebreek en sy pa aangerand het, berig die LA Times. Track het glo Saterdag ten tyde van die chaos by die gesin se huis in Wasilla, Alaska, gesmeek dat sy pa hom skiet nadat dié na bewering in 'n stadium 'n vuurwapen uitgepluk het.
Luidens CNN het Sarah die polisie ontbied en gesê haar seun gebruik die een of ander medisyne. Dié inligting is in 'n polisieverklaring vervat.
Track het sy pa glo geslaan nadat hulle 'n rusie oor 'n bakkie gehad het. Hy staan tereg op drie aanklagte, wat aanranding en huisbraak insluit. Todd het beserings aan sy gesig en kop opgedoen.
Times Magazine berig Track het die polisielede op die toneel “peanuts” genoem en gesê hulle moet hul vuurwapens neersit toe hulle met hom probeer onderhandel. Hy het glo selfs op die motorhuis se dak geklim voordat hy uiteindelik in hegtenis geneem is.
Track het glo 'n paar biere voor die voorval gedrink.
Dit is nie die eerste voorval van gesinsgeweld waarby hy betrokke is nie. Hy is in 2016 vasgetrek nadat hy sy meisie glo aangerand het, en sy toe bang was dat hy homself gaan skiet. Hy het later skuld beken op aanklag van die besit van 'n vuurwapen terwyl hy onder die invloed van drank was.
Die meisie het later toesig van hul kind bekom en 'n beskermingsbevel teen Track gekry. Sarah het haar seun se gedrag in 2016 aan sy “tyd oorsee” toegeskryf.
“Ek kan my vereenselwig met ander gesinne wat die gevolge van posttraumatiese stresversteuring ervaar waarmee ons soldate terugkeer,” het sy gesê.
Track het in 2008 diensplig in Irak gedoen. - Netwerk24/Nampa/Reuters
Kommentaar
Republikein
Geen kommentaar is op hierdie artikel gelaat nie