Pakistan sê nee vir ollie-invoere

Francoise Steynberg - Die Pakistanse regering het hul aansoek om ’n permit teruggetrek om Namibiese olifante na ’n dieretuin in Lahore in te voer. “Die invoerpermit vir olifante is deur die Pakistanse regering gekanselleer,” het mnr. Romeo Muyunda, woordvoerder van die ministerie van die omgewing en toerisme, gister aan Republikein bevestig.Hy het vroeër vandeesmaand bevestig die ministerie het ’n aansoek van Eden Game Farm in die Grootfontein-distrik ontvang om 10 olifante na Pakistan uit te voer. Muyunda het toe heftig ontken dat Namibië die uitvoerpermit goedgekeur het en het gesê Namibië ondersteun nie dieretuine nie.Die Pakistanse dagblad The Express Tribune het onlangs berig die Punjab-wildlewedepartement het “die tender vir die invoer van olifante ter waarde van Rs50 miljoen (roepees) weens onheilspellende korrupsie tussen verskaffers van eksotiese diere gekanselleer”.Volgens die dagblad het die departement ook besluit om vir ’n onbepaalde tyd nie nuwe tenders vir die invoer van enige ander diere uit te reik nie. “Die invoerder was verplig om die olifante binne ses maande na die dieretuin te bring. Ná 16 maande is geen olifant na Pakistan gebring nie,” is berig.Volgens The Express Tribune was daar ernstige onreëlmatighede en twyfelagtige praktyke onder verskaffers in verband met die invoer van olifante en ander diere. “As gevolg hiervan het die Punjab-wildlewedepartement onmiddellik met ’n ondersoek begin om die situasie te monitor. Ná getuienis gevind is, het die departement besluit om die tender te herroep.”Volgens mnr. Sohail Goraya, direkteur-generaal van die department, is klagtes oor vervalste dokumente ontvang wat aan die lig gebring het baie verskaffers voer wilde diere na verskillende dieretuine in en verkoop hulle, in plaas van diere wat ingevolge internasionale wette in gevangenskap gebore is. “Die departement het ’n paar nuwe reëls en regulasies ingestel om deursigtigheid by die invoer van eksotiese diere te verseker en om moontlike wanpraktyke te voorkom,” het hy gesê. “Die onreëlmatighede stel die diere se lewens en gesondheid in gevaar. Dieretuine moet ’n geskikte omgewing vir die diere verseker om te oorleef.”In ’n geskiedkundige verkiesing einde Augustus by Cites se 18de beraad (COP18) in Genève, Switserland, het altesaam 46 lidlande ten gunste van ’n verbod op die uitvoer van lewende olifante uit Namibië, Zimbabwe, Suid-Afrika en Botswana na dieretuine gestem. Die nuwe Cites-reëls tree eers op 26 November amptelik in werking.ZIMBABWEVerlede week was daar oproer onder bewaringsorganisasies toe 32 olifantjies wat sedert Januarie in ’n boma by die Hwange Nasionale Park in Zimbabwe aangehou is, op die Saoediese vragvliegtuig SV3049 vermoedelik na dieretuine en sirkusse in China gevlieg is, berig Netwerk24.Bewaringsorganisasies was bevrees Zimbabwe sou maak van die skuiwergat van die spertyd van die nuwe Cites-reëls gebruik maak.Zimbabwe is tans die grootste olifant-uitvoerder in Afrika, wat sedert 2012 altesaam 108 olifantkalfies na dieretuine in China uitgevoer het. - francoise@republikein.com.na

Pakistan sê nee vir ollie-invoere

Kommentaar

Republikein 2025-06-18

Meld asseblief aan om kommentaar te lewer

Pakistan sê nee vir ollie-invoere

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie