Padvinders plant groente tuin aan

Die padvinders van Tsumeb het onlangs die verjaardag van hul stigter, Lord Robert Baden-Powell, gedenk deur 'n tuin by 'n nuwe laerskool in die distrik aan te lê. Hulle het mielies, kool, boontjies, wortels, pampoen, uie en tamaties by die Laerskool Ludwigshawe gesaai. Die skool is vir San-kinders uit dié omgewing, sowat 15 km noord van Tsumeb opgerig. Die padvinders het ook 'n komposhoop begin met die plantmateriaal wat hulle bymekaargemaak het toe die tuin aangelê is.“As padvinders onderneem ons om ander mense so ver moontlik te help,” sê Desmond Namonde, hul leier. “Ons het toe besluit om hierdie bietjie gemeenskapdiens ter ere van Baden-Powell, wie se verjaardag ons op 22 Februarie gedenk, te doen om minderbevoorregte jeugdiges te help.By 'n latere geleentheid sal die jeugdiges geleer word hoe om die tuin te versorg en 'n groentetuintjie tuis te kweek sodat die hele gesin daarby kan baat en hulle sakgeld kan verdien deur die orige groente te verkoop. Hulle sal daarmee saam ook oor gesonde eetgewoontes en voedselgroepe gesels. “Leer deur te doen, is een van ons leuses,” vervolg Namonde. “Deur hierdie projek leer ons hoe om vir ander van diens te wees en beter landsburgers te wees, terwyl hulle weer 'n lewensvaardigheid aanleer. Die stigter en hoof van Laerskool Ludwigshawe, Jannie Xamiseb, het die padvinders bedank en die hoop uitgespreek dat die tuin só sal uitbrei dat dit as 'n bron van inkomste vir die skool kan dien. “Groente sal ook voorberei en as voedsel aan leerlinge gebied word om vitamiene en minerale in hul dieet aan te vul,” sê hy. “As die tuine eers tuis ook posvat, sal die lewensstandaard van die hele gemeenskap daardeur verhoog word.”Navrae: Jim Kastelic van die padvinders in Namibië, by 081 752 1479 of j.kastelic@dundeeprecious.com

Padvinders plant groente tuin aan

Kommentaar

Republikein 2025-07-16

Meld asseblief aan om kommentaar te lewer

Padvinders plant groente tuin aan

Kommentaar

Republikein 2025-07-16

Meld asseblief aan om kommentaar te lewer

MELD AAN

Advertensie