Padslagting: Skoolvakansie eis 45

Baba van 3 maande die jongste slagoffer

03 September 2019 | Ongelukke
Gedurende die afgelope skoolvakansie het 33 volwassenes en 12 kinders in 22 ongelukke oraloor die land gesterf.

Die jongste kind was ’n baba van drie maande oud, wat dood is toe sy ma die pad by die Kambumbu-nedersetting oorgesteek het en omgery is.

Sy het ook gesterf.

Die polisie het dié inligting in ’n verslag bekend gemaak.

Op 17 Augustus het die grootste ongeluk die afgelope vakansie naby Gobabis plaasgevind, waarin sewe mense op slag dood is toe die bestuurder van ’n bakkie glo beheer oor die voertuig verloor het en in die aankomende baan voor ’n brandstoftenkwa beland het. ’n Trompop botsing het gevolg.

Altesaam 22 van die sterftes tydens die skoolvakansie behels volgens die polisie voertuie wat omgeslaan het.

Agt sterftes was voetgangers wat óf langs die pad gestaan het óf die pad wou oorsteek, en 13 mense is in trompop botsings dood.

Twee mense is in fratsongelukke dood: Een het van ’n bakkie afgeval en een is deur ’n sleepwa gesleep.

Verlede Vrydag is ses mense in een ongeluk dood.

Dié ongeluk het omstreeks 16:00 op die hoofpad tussen Outjo en Kamanjab gebeur toe die bestuurder (49) beheer oor ’n sewesitplekstasiewa verloor het ná ’n band gebars het en die voertuig omgeslaan het.

Vier mense het op die toneel gesterf en nog twee het met hul aankoms by die Outjo-staatshospitaal gesterf.

Nog agt mense is beseer en vir behandeling na hospitale in Windhoek oorgeplaas.

Die oorledenes is Ndangi Jaunda (1), Ben Kaluwashi (5), Joseph Kaluwashi (10), mee. Justine Jaunda (32), Moreen Taurus (40) en mnr. Ipinge Shaduka (70).

Me. Mokahurua Tjikurame het Saterdag om 01:20 op die C22-grondpad naby die Okanokomukona-nedersetting in die Okakarara-omgewing gesterf toe die voertuig waarin sy ’n passasier was, omgeslaan het. Die bestuurder (32) is glo nie in besit van ’n geldige rybewys nie en is glo familie van die oorledene. Die man is in hegtenis geneem en hy is onder polisiebewaking in die staatshospitaal op Okakarara.

Saterdag het ’n onbekende man om 20:10 die 15-jarige Fransika Eises glo in die Saamstaan- informele nedersetting op Okahandja doodgery.

Eises is op die toneel dood.

Die man het na wat verneem word teen ‘n aankomende bakkie gebots voor hy in ’n huis vasgery het. Hy het die voertuig glo verlaat, op die vlug geslaan en is nog nie in hegtenis geneem nie.

Die polisie doen ’n beroep op enigiemand met inligting om dit by die Okahandja-polisiekantoor aan te meld.

’n Vrou is die naweek na bewering deur ’n voertuig wat aan die Omuthiya-dorpsraad behoort, doodgery toe sy die pad wou oorsteek.

Die ongeluk het om 22:30 op die B1-hoofpad tussen Omuthiya en Ondangwa plaasgevind.

Die vrou is ná die ongeluk na die Onandjokwe-hospitaal geneem, maar is by haar aankoms dood verklaar.

Soortgelyk

 

Hardap kry 19 Mm³ water sedert Maandag

16 minute gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

1 uur gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

12 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

12 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

12 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

12 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

12 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

12 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...

PDM, ECN hof toe gesleep

12 ure gelede | Politiek

Denver Kisting – Mnr. Norman Tjombe, die Windhoekse prokureur wat vier ontstoke Popular Democratic Movement (PDM)-lede verteenwoordig, het gister bevestig hulle gaan hof toe.Alle aanduidinge...