Padfonds oor geldsake

Augetto Graig - Die Padfondsadministrasie (RFA) het Dinsdag sy jaarlikse vergadering met belanghebbers gehou om sy begroting vir die 2019-boekjaar, asook sy besigheidsplan tot 2024 te bespreek.Mnr. Penda Ithindi, die RFA se raadsvoorsitter, het die sakeplan voorgelê om in die volgende vyf jaar N$13 miljard in Namibië se ekonomie in te pomp. Dié uitgawes sal gedek word deur ’n soortgelyke inkomste en 80%, of sowat N$10 miljard, sal aan die bou van paaie bestee word, het Ithindi gesê. Fondse vir die beoogde ontwikkelings sal gedeeltelik afkomstig wees van padgebruikersheffings wat in Mei vanjaar met 6,5% gestyg het. “As gevolg van ’n verslapping in ekonomiese aktiwiteite verwag ons die inkomste vir vanjaar sal effens traer wees as die begrotingsvooruitsig,” het hy gesê. Volgens hom oorweeg die RFA tans alternatiewe bronne van inkomste.Mnr. Ali Ipinge, die RFA se uitvoerende hoof, het gesê ’n ander inkomstebron wat die RFA oorweeg, is die implementering van tolpaaie. Die huidige padgebruikersheffings sal hersien word, aangesien dit tans op minimum bedrae van 18 jaar gelede gebaseer is. Die RFA sal volgens Iipinge nuwe heffings oorweeg omdat daar in die hedendaagse wêreld meer van elektroniese motors gebruik gemaak word. Die Padfondsadministrasiewet nommer 18 van 1999 sal ook hersien word. Goeie nuus is die RFA het in die 2017-’18-boekjaar N$2,37 miljard ingevorder.Dit is meer as die vorige jaar se N$2,21 miljard, en net 1% minder as hul teiken. Daarvan is N$2,2 miljard aan die instandhouding en ontwikkeling van paaie landswyd bestee. N$1,7 miljard, of 76% is aan die Paaieowerheid (RA) toegeken, terwyl 24% aan plaaslike owerhede, streekrade, verkeerswetstoepassing en padveiligheid bestee is. RFA-besteding het deur middel van plaaslike owerhede werksgeleenthede aan 650 Namibiërs gebied, het Ipinge gesê. Vir die huidige finansiële jaar sal die RFA 40% meer aan streeksrade en plaaslike owerhede vir die ontwikkeling en instandhouding van plattelandse en stedelike paaie bestee, het hy gesê. Nog N$150 miljoen sal aan die instandhouding van grondpaaie bestee word. Die RFA het ook ’n lening van N$482 miljoen by die Duitse ontwikkelingsagentskap KfW uitgeneem.Dít vir die rehabilitasie van 87,8 km van die TR1/3-pad tussen Tses en Gochas, het hy gesê.Ithindi het gesê die voltooiing van RFA-huis en die RA-hoofkantoor het meer geld vir padinstandhouding beskikbaar gemaak. Hy het gesê die land het verskeie groot kapitale padbouprojekte gelyk aangepak, wat minder finansiële ruimte vir beweging toegelaat het. “Soos van hierdie groot projekte tot stilstand kom, is ’n doelbewuste uittreestrategie nodig om hulpbronne vir instandhouding en dringende prioriteite beskikbaar te maak. “Van dié voorkeur word aan die spoorbedryf verleen, veral aan die ekonomiese deel van spoorroetes,” het hy gesê.“Ná afloop van die tweede grondkonferensie verlede maand is daar ’n vraag na die diens van meer stedelike grond om die behuisingstekort te verlig. Die vloei van hulpbronne na plaaslike owerhede moet met dié nuwe denkwyse strook,” het hy gesê.Die RFA het in Augustus reeds konsultante by 57 plaaslike owerhede en 14 streekrade aangestel. Hierdie konsultante moet die dorpsrade met vaardighede en tegniese kennis van padbouprojekte en finansiële bestuur ondersteun sodat toegekende geld doeltreffend aangewend kan word. Die land is vir hierdie doeleindes in vyf streke verdeel.Lithon Project Consultants is aangestel om hul kennis in die Ohangwena-, Omusati-, Oshana-, Kunene- en Oshikotostreek te deel. Artee Project Engineers is vir die Kavango-Oos en Kavango-Wes- en die Zambezistreek verantwoordelik. Ingenium Consulting Engineers bedien dorpe in die Erongo- en Otjozondjupastreek, asook in die Kunene- en Oshikotostreek. Khomas, Otjozondjupa, Omaheke en Hardap word deur Dunamis Consulting Engineers ondersteun, en Burmeister en vennote ondersteun die oorblywende ||Kharas- en Hardap-dorpe.

Padfonds oor geldsake

Kommentaar

Republikein 2025-05-01

Meld asseblief aan om kommentaar te lewer

Padfonds oor geldsake

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie