Padfietsresies erger as Tour-skof

Andrew Poolman – Klimwerk van 'n massiewe 4 865 meter in totaal – meer as in enige enkele skof van die Tour de France – lê voor vir die Olimpiese mans padfietsresies môre wat oor 'n lank uitgestrekte 233 kilometer strek.Die 24-jarige Tristan de Lange sal die Namibiese verteenwoordiger wees. Sy Olimpiese debuut kom as 'n laat insluiting in die plek van Dan Craven, wat enkele dae voor sy vertrek uit Spanje na sy derde Spele positief vir Covid-19 getoets het.Die Namibiese Fietsryfederasie se president, mnr. Axel Theissen, sê: “Die eerste helfte van die resies is relatief plat en die snelhede sal vinnig wees. “Ons kan in die eerste uur verskeie wegbreekpogings te wagte wees.“Die eerste groot klimskof kom ná 66 km, gevolg deur die volgende groot berggedeelte ná 96 km. Hier sal die veld van ryers uitgedun begin raak.“Ná 192 km wag Mikuni-pas – die heel grootste klimskof, met 'n massiewe gradiënt van 21%, nadat die ryers reeds vir meer as drie ure in die saal is!“Die einde van die resies is rondom die omgewing van die Fuji International Speedway. Omdat hulle hier baanrondtes doen, sal stadiger ryers uit die resies onttrek word as die voorlopers hulle van agter af inhaal.“Met so 'n bergagtige roete sal dit definitief die goeie klimryers wees wat hulle vooraan die resies bevind. Die roete is uitsonderlik moeilik en die wêreld se bestes – reguit van die Tour de France af – sal by die wegspringstreep wees.“Met die temperature boonop in die middel dertigs Celsius, en met Japan se lugvogtigheid, sal behoorlike hidrasie van die ryers van kritieke belang wees.“Die hoë temperature kan in Tristan se guns tel, maar hy het die beste padfietsryers ter wêreld om mee rekening te hou. Ons wens hom alle voorspoed toe. Net om die resies klaar te maak, sal reeds 'n ongelooflike prestasie en ondervinding wees.” VERA SE KANSEDie vroue se padresies Sondagoggend waarin Vera Looser betrokke is, se afstand is 137 km wat 2 692 meter van vertikale klimwerk insluit.“Die groot klimme begin ná omtrent 66 km,” sê Theissen.“Vera se kanse lyk belowend, want sy het in die laaste twee maande in verskeie Europese resiese deelgeneem. Op haar eie sal sy egter te staan kom teen spantaktieke van lande wat oor drie ryers beskik. Met haar jare van ondervinding glo ek dat sy die taktiek van die resies kan lees soos dit nodig is.” – andrew@republikein.com.na

Padfietsresies erger as Tour-skof

Kommentaar

Republikein 2026-06-26

Meld asseblief aan om kommentaar te lewer

Padfietsresies erger as Tour-skof

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.