Paddebakel kos miljoene
Enigiemand wat waag om weer die padprojek tussen Gobabis en Aranos in die wiele te ry, word deur die toorn van die gereg in die gesig gestaar, maan die Paaieowerheid.
Denver Kisting – Die drie dag lange opskorting van ’n padbouprojek by Aminuis die afgelope week het die belastingbetaler nagenoeg N$9 miljoen gekos.
Die man wie se beweerde opstekery die boubedrywighede lamgelê het, mnr. Peter Kazongominja, het gistermiddag by navraag oor die stand van sake gesê: “Dit is steeds nie oukei nie.”
Hy is die raadslid verbonde aan dié kiesafdeling en het glo gemeenskapslede opgesweep om te eis dat 70% van die mense wat die pad help bou uit Aminuis moet kom.
Kazongominja wou nie gister oor die aantygings teen hom kommentaar lewer nie.
Die Paaieowerheid (RA) het gister by monde van sy uitvoerende hoof, mnr. Conrad Lutombi, uitgevaar teen “onwettige optrede” deur ’n “besorgde groep”.
Hy sê hulle sal nie voortaan enige onderbrekings duld nie. “Om die projek te stop, is nie net nadelig vir die RA nie aangesien dit ’n uitwerking het op die voltooiingsdatum en lei tot boetes, terwyl dié fondse vir ander nasionale projekte aangewend kon gewees het. Werkonderbrekings kos die belastingbetaler ongeveer N$3 miljoen per dag omdat die projek ten volle deur die regering gefinansier word.”
Lutombi waarsku enigiemand wat planne in die mou voer om weer die projek te onderbreek, sal deur regstappe in die gesig gestaar word.
Me. Hileni Fillemon, die woordvoerder van die RA, het gistermiddag gesê werksaamhede is vir drie dae onderbreek.
Die minister van werke en vervoer, mnr. John Mutorwa, het Woensdag te velde getrek teen die “wetteloosheid” wat die projek ontwrig het.
Mutorwa het aan Republikein gesê: “Ons kan nie wetteloosheid duld nie.”
Volgens inligting tot die koerant se beskikking het oproerige lede van die Aminuis-nedersetting glo bewapen met pangas en knopkieries opgedaag om die padbouprojek te ontspoor.
Luidens die inligting is die gemeenskapslede woedend omdat meer mense uit hul omgewing nie vir die bouwerk van die pad in diens geneem is nie.
’n Vergadering was gistermiddag laat nog op Gobabis aan die gang om die kwessies uit die weg te ruim.
Dié samespreking is gelei deur die goewerneur van die Omahekestreek, mnr. Pijoo Nganate.
Kazongominja het gistermiddag bevestig hy woon ook die vergadering by.
Mutorwa het Woensdagmiddag gesê dié beoogde pad is nie net van nasionale belang nie, maar hou ook internasionale waarde in.
- [email protected]
FOTO
Mnr. Conrad Lutombi, uitvoerende hoof van die Paaieowerheid (RA), het oproerige lede van die Aminuis-gemeenskap gewaarsku wat ’n padbouprojek ontwrig het. FOTO NAMPA
Die man wie se beweerde opstekery die boubedrywighede lamgelê het, mnr. Peter Kazongominja, het gistermiddag by navraag oor die stand van sake gesê: “Dit is steeds nie oukei nie.”
Hy is die raadslid verbonde aan dié kiesafdeling en het glo gemeenskapslede opgesweep om te eis dat 70% van die mense wat die pad help bou uit Aminuis moet kom.
Kazongominja wou nie gister oor die aantygings teen hom kommentaar lewer nie.
Die Paaieowerheid (RA) het gister by monde van sy uitvoerende hoof, mnr. Conrad Lutombi, uitgevaar teen “onwettige optrede” deur ’n “besorgde groep”.
Hy sê hulle sal nie voortaan enige onderbrekings duld nie. “Om die projek te stop, is nie net nadelig vir die RA nie aangesien dit ’n uitwerking het op die voltooiingsdatum en lei tot boetes, terwyl dié fondse vir ander nasionale projekte aangewend kon gewees het. Werkonderbrekings kos die belastingbetaler ongeveer N$3 miljoen per dag omdat die projek ten volle deur die regering gefinansier word.”
Lutombi waarsku enigiemand wat planne in die mou voer om weer die projek te onderbreek, sal deur regstappe in die gesig gestaar word.
Me. Hileni Fillemon, die woordvoerder van die RA, het gistermiddag gesê werksaamhede is vir drie dae onderbreek.
Die minister van werke en vervoer, mnr. John Mutorwa, het Woensdag te velde getrek teen die “wetteloosheid” wat die projek ontwrig het.
Mutorwa het aan Republikein gesê: “Ons kan nie wetteloosheid duld nie.”
Volgens inligting tot die koerant se beskikking het oproerige lede van die Aminuis-nedersetting glo bewapen met pangas en knopkieries opgedaag om die padbouprojek te ontspoor.
Luidens die inligting is die gemeenskapslede woedend omdat meer mense uit hul omgewing nie vir die bouwerk van die pad in diens geneem is nie.
’n Vergadering was gistermiddag laat nog op Gobabis aan die gang om die kwessies uit die weg te ruim.
Dié samespreking is gelei deur die goewerneur van die Omahekestreek, mnr. Pijoo Nganate.
Kazongominja het gistermiddag bevestig hy woon ook die vergadering by.
Mutorwa het Woensdagmiddag gesê dié beoogde pad is nie net van nasionale belang nie, maar hou ook internasionale waarde in.
- [email protected]
FOTO
Mnr. Conrad Lutombi, uitvoerende hoof van die Paaieowerheid (RA), het oproerige lede van die Aminuis-gemeenskap gewaarsku wat ’n padbouprojek ontwrig het. FOTO NAMPA
Kommentaar
Republikein
Geen kommentaar is op hierdie artikel gelaat nie