Paasfees met sjef Chantel

Hierdie week deel sjef Chantel ’n paar van haar feestelike resepte vir Pase met Kollig. Paaseiers en sjokoladehasies is skattig, maar wat ons almal graag vir Pase verlang, is ’n heerlike maaltyd om saam met familie en vriende te geniet. ’n Wonderlike, welbeplande ete is die beste manier om enige vakansie te vier. Hou die kinders met ’n prettige projek in die kombuis besig, bederf die spesiale mense in jou lewe met ’n simboliese ontbyt of sluit ’n tradisionele ete met paasbolletjie-tiramisu af.Kolwyntjies vir kindersBestanddele:6 eiers1 koppie suiker1½ koppie koekmeel4 teelepels bakpoeierKnippie sout1 teelepel vanieljegeursel125 ml groente-olie van jou keuse125 ml waterMaak só:Meng die eiers, suiker en vanieljegeursel saam tot die suiker opgelos is. Sif die sout, meel en bakpoeier saam. Voeg die meelmengsel by die eiermengsel en meng goed. Meng die water en olie by die deegmengsel in. Skep die deeg in kolwyntjiehouers en bak vir 30 minute by 180ºC.Laat die kolwyntjies afkoel, maak versiersel in verskillende pastelkleure en hou ‘n verskeidenheid lekkergoed byderhand sodat die kleingoed hul innerlike kunstenaar kan kanaliseer en kleurvolle ontwerperskolwyntjies skep.Ontbyt vir Pase: Soet brandrissie-en-eierpakkieBestanddele:2 velle filodeeg250 g soet brandrissieroomkaas4 gekookte eiers500 g spinasieSout en peperMaak só:Kook die eiers vir 5 minute en laat afkoel. Dop die gekookte eiers af en wees versigtig sodat dit nie te breek nie. Was die spinasie, sny dit in fyn repe en roerbraai tot sag. Laat die spinasie afkoel. Meng die spinasie met die soet brandrissieroomkaas en geur met sout en peper na smaak. Sny twee velle filodeeg in vier vierkante. Plaas die vierkante in ’n muffinpan. Plaas ’n lepel van die spinasiemengsel op die filodeeg. Sit dan ’n gekookte eier op die spinasie en geur na smaak. Vou elke deegpakkie toe en verf met botter of geklitste eier. Bak teen 180º C vir 5 tot 10 minute tot goudbruin.Paasbolletjie-tiramisuBestanddele:15 ml kitskoffie250 ml kookwater250 g mascarpone-kaas30 ml strooisuiker30 ml marsala-wyn250 ml vars room3 paasbolletjiesKakaopoeier 1 sjokoladestafie vir versieringMaak só:Los die kitskoffie in die kookwater op en sit eenkant om af te koel. Plaas die mascarpone-kaas, suiker en marsala in ’n mengbak en meng goed. Klits die room sodat dit punte vorm. Vou die room liggies in die mascarpone-mengsel in. Doop die paasbolletjievingers vinnig in die afgekoelde koffie en voer die bodem van individuele glase daarmee uit. Plaas ’n redelike groot skep van die mascarpone-mengsel bo-op die paasbolletjievingers. Herhaal met nog ’n laag paasbolletjievingers en eindig met ’n laag mascarpone-mengsel. Sif ’n bietjie kakao oor en versier met die gerasperde sjokolade net voor opdiening.

Paasfees met sjef Chantel

Kommentaar

Republikein 2025-11-06

Meld asseblief aan om kommentaar te lewer

Paasfees met sjef Chantel

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.